మహిళా దినోత్సవాన.. మహిళపై చేయి చేసుకున్న అశోక్ గజపతిరాజు

మహిళా దినోత్సవం రోజునే ఓ మహిళకు టీడీపీ నేత నుంచి తీవ్ర అవమానం జరిగింది. విజయనగరంలో సోమవారం మున్సిపల్‌ ఎన్నికల ప్రచారంలో పాల్గొన్న అశోక్ గజపతి రాజు ఓ మహిళపై చేయి చేసుకున్నారు. అశోక్ గజపతిరాజుపై అభిమానంతో ఓ మహిళా కార్యకర్త పువ్వులు జల్లుతున్నారు. ఆ సమయంలో సహనం కోల్పోయిన గజపతిరాజు ఆమె మెడలు వంచి కొట్టారు. ప్రస్తుతం ఈ వీడియో సోషల్ మీడియాలో వైరల్ అయింది.

అశోక్ గజపతిరాజు చేసిన పనికి అవమానంగా ఫీల్‌ అయి బాధిత మహిళ అక్కడి నుంచి వెళ్లిపోయారు. ఇటీవల హిందూపురంలో ఎన్నికల ప్రచారంలో ఎమ్మెల్యే, నటుడు బాలకృష్ణ ఓ ఫోటోగ్రాఫర్‌పై చేయిచేసుకున్న ఘటన తీవ్ర వివాదాస్పదం అయిన విషయం తెలిసిందే. విజయవాడలో ఎన్నికల ప్రచారంలో చంద్రబాబు నాయుడు సహనం కోల్పోయి వ్యాఖ్యలు చేసిన సంగతి వైరల్ అయింది. ఇప్పుడు అశోక్ గజపతిరాజు అంశం వీటికి తోడవడంతో టీడీపీ నేతలపై విమర్శలు వస్తున్నాయి.