విభిన్నమైన సినిమాలతో తనకంటూ గుర్తింపు తెచ్చుకున్న శ్రీ విష్ణు నుండి వస్తోన్న మరో చిత్రం అర్జున ఫల్గుణ. ఈ ఏడాది రాజ రాజ చోరతో సూపర్ హిట్ అందుకున్న శ్రీ విష్ణు 2021ను మరో విజయంతో ముగించాలనుకున్నాడు. ఈరోజే విడుదలైన అర్జున ఫల్గుణ ఎలా ఉందో ఇప్పుడు చూద్దాం.
కథ:
తమకున్న ఆర్ధిక ఇబ్బందుల నుండి తప్పించుకోవడానికి అర్జున్ (శ్రీ విష్ణు), తన స్నేహితులు కలిసి డ్రగ్ స్మగ్లింగ్ చేయడానికి నిశ్చయించుకుంటారు. గోదావరి జిల్లాల్లోని ఒక చిన్న పల్లెటూరి నుండి వచ్చిన వీరు ఆ నిర్ణయంతో ఎలాంటి ఇబ్బందులు ఎదుర్కొన్నారు? వీరిని పోలీస్ ఆఫీసర్ సుబ్బు (సుబ్బరాజ్) ఎలా ఎదుర్కొన్నాడు?
మొత్తం ఈ గందరగోళం నుండి అర్జున్, తన స్నేహితులు ఎలా బయటపడ్డారు అన్నది చిత్ర ప్రధాన కథాంశం.
పెర్ఫార్మన్స్:
శ్రీ విష్ణు ఎప్పటిలానే తన పెర్ఫార్మన్స్ తో మెప్పించాడు. పక్కింటి కుర్రాడిలా కనిపించే శ్రీ విష్ణు, అర్జున్ పాత్రకు సరిగ్గా సరిపోయాడు. ముఖ్యంగా ఎమోషనల్ సీన్స్ లో శ్రీ విష్ణు నటన చాల బాగుంది. హీరోయిన్ గా అమ్రిత అయ్యర్ చూడటానికి బాగుంది. అయితే ఆమె పాత్రను తీర్చిదిద్దిన విధానంలో క్లారిటీ లేదు. దీనికి తోడు శ్రీ విష్ణు, అమ్రితల మధ్య కెమిస్ట్రీ విషయంలో కూడా సరిగా వర్కౌట్ చేయలేదు అనిపిస్తుంది.
సుబ్బరాజును సరిగా ఉపయోగించుకోలేదు. ఆ పాత్రను ఇంకా వాడుకోవచ్చు. హీరో స్నేహితులుగా చేసిన జబర్దస్త్ మహేష్ ఇంకా తదితరులు వాళ్ళ పరిధుల మేరకు రాణించారు. శివాజీ రాజా, నరేష్ లు సపోర్టింగ్ రోల్స్ లో మెప్పించారు.
సాంకేతిక నిపుణులు:
జోహార్ వంటి చిత్రాన్ని తెరకెక్కించిన తేజ మర్ని అర్జున ఫల్గుణను రూపొందించాడు. రూరల్ బ్యాక్ డ్రాప్ లో క్రైమ్ థ్రిల్లర్ తీయాలన్న దర్శకుడి ఆలోచన అభినందించ తగిందే. అయితే తన నరేషన్ లో క్లారిటీ లేదు, ప్రెజంటేషన్ లో గ్రిప్ లేదు. స్క్రీన్ ప్లే లో చాలా లోపాలున్నాయి.
ప్రియదర్శన్ బాలసుబ్రహ్మణ్యం సంగీతం బాగుంది కానీ పాటలను సరిగా ఉపయోగించుకోలేదు. బ్యాక్ గ్రౌండ్ స్కోర్ కు తగ్గ సన్నివేశాలు తెరపై లేవు. జగదీశ్ చీకటి ఛాయాగ్రహణం బాగుంది. విప్లవ్ ఎడిటింగ్ ఓకే. మ్యాట్నీ ఎంటర్టైన్మెంట్స్ నిర్మాణ విలువలు డీసెంట్ గా ఉన్నాయి.
ప్లస్ పాయింట్స్:
- నటీనటుల పెర్ఫార్మన్స్ లు
మైనస్ పాయింట్స్:
- ప్రెజంటేషన్
- సరైన కాన్ఫ్లిక్ట్ పాయింట్ లేకపోవడం
విశ్లేషణ:
అర్జున ఫల్గుణ సరైన గ్రిప్పింగ్ స్క్రీన్ ప్లే, సాలిడ్ ప్రెజంటేషన్, ఎంగేజింగ్ డ్రామా లేని ఒక సాధారణ క్రైమ్ థ్రిల్లర్. ఈ సినిమాలో ప్రేక్షకుడ్ని మెప్పించే సన్నివేశాలు చాలా అంటే చాలా తక్కువ. ఇంకా ఈ చిత్రాన్ని చూడాలనుకుంటే థియేటర్లలో స్కిప్ చేసి ఓటిటిలో వచ్చే వరకూ ఆగండి.
తెలుగు బులెటిన్ రేటింగ్: 1.5/5
102749 483097Thanks for the information. And a response from you. car dealers hips san jose 153010
233840 923725 warning Dont any of you people ever take me to CiCis pizza! There food looks offensive!|Urban_Elegance| 13414
332281 829703We clean up on completion. This could sound obvious but not a lot of a plumber in Sydney does. We wear uniforms and always treat your home or workplace with respect. 364501