ఒకటి పొందాలంటే మరొకటి వదులుకోవాలంటారు. ఏపీలోని ఆర్టీసీ ఉద్యోగుల పరిస్థితి ప్రస్తుతం ఇదే. మొన్నటివరకు కార్మికులుగా ఉన్న ఆర్టీసీ సిబ్బంది తమ డిమాండ్ల సాధనకు సమ్మె చేసేవారు. ముందుగా సర్కారుకు నోటీసిచ్చి, అనంతరం సమ్మెకు దిగేవారు. ఇకపై ఇది కుదరదు. ప్రస్తుతం వారు ప్రభుత్వ ఉద్యోగులు కావడంతో సమ్మె చేసే హక్కును కోల్పోయారు.
మొన్నటి ఎన్నికల సందర్భంగా ఆర్టీసీని ప్రభుత్వంలో విలీనం చేస్తానని హామీ ఇచ్చిన జగన్.. ఆర్టీసీ సిబ్బందిని ప్రభుత్వ ఉద్యోగులుగా చేసేశారు. రాష్ట్రంలోని ప్రతి ప్రభుత్వ ఉద్యోగి పొందుతున్న సౌకర్యాలన్నీ ఆర్టీసీ ఉద్యోగులకు కూడా వర్తింపజేశారు. పలితంగా దాదాపు 60వేల మంది ఉద్యోగులు లబ్ధి పొందారు.
తెలంగాణ ఆర్టీసీ సిబ్బంది ఇదే డిమాండ్ తో 55 రోజులపాటు సమ్మె చేసినా.. ఆ రాష్ట్ర ప్రభుత్వం స్పందించలేదు. కానీ జగన్ మాత్రం సాహసోపేత నిర్ణయం తీసుకుని తాను ఇచ్చిన మాట నిలబెట్టుకున్నారు. ఇంతవరకు బాగానే ఉంది. ప్రస్తుతం ఏపీలోని ఆర్టీసీ ఉద్యోగులు ప్రభుత్వ ఉద్యోగులు కావడంతో ఇకపై సమ్మెలు చేయడానికి, ప్రభుత్వ నిర్ణయాలను విమర్శించడానికి వీలు లేదు.
ప్రభుత్వ విధానపరమైన నిర్ణయాలకు వ్యతిరేకంగా ప్రజారవాణా శాఖ ఉద్యోగులు సమ్మెలు, నిరసనల్లో పాల్గొనరాదని ఏపీఎస్ ఆర్టీసీ తాజాగా నోటిఫికేషన్ జారీచేసింది. మీడియా ముందు ప్రభుత్వ నిర్ణయాలను తప్పుబట్టడం, అధికారులపై విమర్శలు కూడా చేయకూడదని స్పష్టంచేసింది. ఆర్టీసీ సిబ్బంది ప్రస్తుతం ప్రభుత్వ ఉద్యోగులుగా మారినందున వారికి ఏపీ సబార్డినేట్ సర్వీస్ నియమాలు-1996 వర్తిస్తాయని.. ట్రేడ్ యూనియన్ చట్టం-1926, పారిశ్రామిక వివాదాల చట్టం-1947 ఇకపై వారికి వర్తించబోవని పేర్కొంది. ఒకవేళ వారికి సమస్యలు, ఫిర్యాదులు ఏమైనా ఉంటే సంఘాల ద్వారా అధికారులకు నివేదించి పరిష్కరించుకోవాలని సూచించింది.
మొత్తానికి గత కొన్ని దశాబ్దాలుగా ఉన్న సమ్మె హక్కును ఆర్టీసీ ఉద్యోగులు వదులుకోవడం కాస్త కష్టమే. దీనిపై ఆర్టీసీ సంఘాలు ఎలా స్పందిస్తాయో చూడాలి.
266556 236137Oh my goodness! an superb write-up dude. Thanks a good deal Even so Im experiencing problem with ur rss . Do not know why Struggle to register for it. Can there be any person finding identical rss problem? Anyone who knows kindly respond. Thnkx 222207
751507 607718hey I was really impressed with the setup you used with this weblog. I use blogs my self so great job. definatly adding to bookmarks. 508551
111343 158305Nothing far better than Bing finding us a great site related to what I was looking for. 1960