ఏపీ లిక్కర్ స్కామ్ కేసులో నిందితులకు ఏసీబీ కోర్టు భారీ ఎదురుదెబ్బ ఇచ్చింది. ఈ కేసులో అరెస్టయిన నిందితులు చెవిరెడ్డి భాస్కర్రెడ్డి, వెంకటేష్ నాయుడు, నవీన్ కృష్ణ, బాలాజీ యాదవ్ దాఖలు చేసిన బెయిల్ పిటిషన్లను కోర్టు పూర్తిగా తిరస్కరించింది. విచారణ కొనసాగుతున్న దశలో నిందితులు బయటకు వస్తే దర్యాప్తుపై ప్రభావం పడే అవకాశం ఉందని కోర్టు అభిప్రాయపడినట్లు తెలుస్తోంది.
లిక్కర్ స్కామ్ కేసు రాష్ట్రవ్యాప్తంగా పెద్ద సంచలనమే సృష్టించిన విషయం తెలిసిందే. ప్రభుత్వానికి భారీ నష్టం కలిగించినట్టు ఆరోపణలు రావడం, పలువురు కీలక వ్యక్తులు ఇందులో ఇరుక్కోవడం వల్ల కేసు మరింత ప్రాధాన్యం సంతరించుకుంది. ఈ నేపథ్యంలో కీలక నిందితులు బెయిల్ కోసం ప్రయత్నించినా, ఏసీబీ కోర్టు అందుకు అనుమతి ఇవ్వలేదు.
దర్యాప్తు ఇంకా కీలక దశలో ఉందని, నిందితులు బయటకు వస్తే సాక్ష్యాల మార్పిడి లేదా ప్రభావం చూపే అవకాశం ఉన్నందున బెయిల్ ఇవ్వడం సబబు కాదని కోర్టు స్పష్టం చేసినట్లు సమాచారం. దీంతో నిందితులకు భారీ ఎదురుదెబ్బ తగిలింది. కేసు వేగంగా ముందుకు సాగేందుకు ఇది కీలక నిర్ణయంగా భావిస్తున్నారు.
ఈ తీర్పుతో ఏపీ లిక్కర్ స్కాం మరోసారి చర్చకు దారి తీసింది. నిందితుల తదుపరి అడుగు ఏమిటో అన్న ఆసక్తి పెరిగింది. ఈ కేసులో రాబోయే విచారణలు మరింత కీలకంగా మారనున్నాయి.