మతి స్థిమితం లేని వ్యక్తి ఓ రధాన్ని దగ్ధం చేశాడట.. పిల్లలు లేరన్న కారణంతో, మూఢ భక్తితో విగ్రహాన్ని ధ్వంసం చేసి.. విగ్రహంలో కొంత భాగాన్ని ఇంటికి తీసుకెళ్ళి పూజలు చేశాడట ఓ వ్యక్తి.. ఇదీ రాష్ట్రంలో హిందూ దేవాలయాలపై జరుగుతున్న దాడులకు సంబంధించి ప్రభుత్వ వివరణ.
సాక్షాత్తూ డీజీపీ, మంత్రులు, అధికార పార్టీకి చెందిన పలువురు కీలక నేతలు ఈ తరహా వ్యాఖ్యలు చేస్తోంటే.. రాష్ట్ర ప్రజలకు కొత్త అనుమానాలు రాకుండా వుంటాయా.? ‘ఆకతాయిల పని..’ అంటారు, అదే సమయంలో ‘అసాంఘీక శక్తుల పని’ అంటారు.! అసలేం జరుగుతోంది రాష్ట్రంలో.
వర్షానికి నానిపోయి విగ్రహాలు ధ్వంసమవుతున్నాయనడం ఎంతవరకు సబబు.? దశాబ్దాలుగా వాన నీటిలో నానిపోయి, మండు టెండలకు ఎండిపోయి కూడా చెక్కు చెదరని విగ్రహాలు.. చిన్నపాటి వానలకు ధ్వంసమయ్యాయంటే నమ్మేదెలా.? ఏళ్ళ తరబడి ఎండలకు ఎండి, వానలకు తడిసిన రధం.. తేనె పట్టు కోసం పొగపెడితే కాలిపోవడమేంటి.? తేనె పట్టు కోసం ప్రయత్నించిన క్రమంలో రధం తగలబడిపోయిందని చెప్పిన అధికార పార్టీ నేతలు, అంతర్వేది రధం దగ్ధం కేసుని సీబీఐకి అప్పగించడంలోనే.. ప్రభుత్వ డొల్లతనం బయటపడిపోయింది.
‘వరుస ఘటనలు చూస్తోంటే తెలుగుదేశం పార్టీపైనే అనుమానాలు కలుగుతున్నాయి.. హిందుత్వ ఎజెండాగా పెట్టుకున్న బీజేపీ మీదా అనుమానాలు కలుగుతున్నాయి..’ అంటూ వైసీపీ నేతలు రాజకీయం చేస్తోంటే, రాష్ట్రంలో పోలీసు వ్యవస్థ ఏం చేస్తున్నట్లు.?
ఒక ఘటన జరిగితే అనుకోకుండా జరిగినదని సరిపెట్టుకోవచ్చు. కానీ, బిట్రగుంటలో ఓ రధం తగలబడింది.. ‘ఆకతాయి’ పని అనేశారు. అంతర్వేదిలో ఇంకో రధం తగలబడింది.. ఈసారి ‘తేనె పట్టు’ కథ చెప్పారు. పిఠాపురంలో దేవతా మూర్తుల విగ్రహాలు తగలబడ్డాయి.. ఆకతాయి పని అని సెలవిచ్చారు. ఇంకో చోట ఆంజనేయ స్వామి విగ్రహం ధ్వంసమైతే, ‘బొమ్మే కదా.. దేవుడికి వచ్చిన నష్టమేంటి.?’ అని ఓ మంత్రిగారు చెప్పుకొచ్చారు.
ఖచ్చితంగా రాష్ట్రంలో ఏదో జరుగుతోంది. అదేంటన్నది తేల్చాల్సింది పోలీసులే. కానీ, ఆ పోలీసుల నుంచీ అధికార పార్టీ నేతలు చెబుతున్న మాటలే వస్తున్నాయి. రాష్ట్ర డీజీపీ నోట కూడా అవే ప్రకటనలు రావడం దారుణమని విపక్షాలు మండిపడుతున్నాయి.
779059 559536Its not that I want to duplicate your site, but I genuinely like the style. Could you tell me which design are you using? Or was it custom made? 855449
545450 954276I must admit that this really is one fantastic insight. It surely gives a company the opportunity to get in on the ground floor and truly take part in creating something particular and tailored to their needs. 350523
119856 89937My wife style of bogus body art were being quite unsafe. Mother worked with gun first, following which they your lover snuck free upon an tattoo ink ink. I was sure the fact just about every really should not be epidermal, due to the tattoo ink could be attracted from the entire body. make an own temporary tattoo 859028
585070 204135You need to get involved in a contest very first of the greatest blogs over the internet. Ill recommend this page! 748365