తెలంగాణలో కరోనా పాజిటివ్ కేసుల సంఖ్య దాదాపుగా అదుపులోకి వచ్చేసింది. దాదాపు లక్ష టెస్టులు జరుగుతోంటే, కొత్తగా నమోదవుతున్న రోజువారీ కేసులు వెయ్యి నుంచి 1500 లోపు మాత్రమే. అదే ఆంధ్రపదేశ్ రాష్ట్రాన్ని తీసుకుంటే, ప్రతి రోజూ నమోదవుతున్న కేసుల సంఖ్య 5 వేలకు పైనే.
తెలంగాణతో పోల్చితే, ఆంధ్రపదేశ్ రాష్ట్రంలో రోజువారీ కరోనా టెస్టుల సంఖ్య కాస్త తక్కువగానే కనిపిస్తోంది గత కొంతకాలంగా. ఇక, తెలంగాణలో కరోనా కారణంగా సంభవిస్తున్న రోజువారీ మరణాలు 10కి అటూ ఇటూగా వుంటోంటే, ఆంధ్రపదేశ్ రాష్ట్రంలో 50కి పైనే నమోదవుతున్నాయి. ఈ భయపెట్టే గణాంకాల్ని ప్రభుత్వం ఏమార్చుతోంది.
గతంలో చేసిన అత్యధిక టెస్టుల సంఖ్య గురించి చెప్పుకోవడం.. తాజాగా ఒకే రోజు పదమూడున్నర లక్షల వ్యాక్సిన్ చేసేశామని గొప్పలు చెప్పుకోవడం.. ఇవన్నీ దేనికోసం.?
నిజానికి, వ్యాక్సిన్లను రాష్ట్రాలకు సమకూర్చుతున్నది కేంద్ర ప్రభుత్వం. ఆ లెక్కన ఏ రాష్ట్రమైనా ఒకే రోజులో రికార్డు స్థాయి వ్యాక్సిన్లు వేయగలదు.. ఇందులో ఆంధ్రప్రదేశ్ ప్రత్యేకంగా చేసిందేంటి.? అన్న చర్చ జనంలో జరుగుతోంది. నో డౌట్, ఇది ఆహ్వానించదగ్గ పరిణామమే. 13 లక్షల వ్యాక్సిన్లు ఒకే రోజు వేయడమంటే మాటలు కాదు. అందుకు అధికార యంత్రాంగం చేసిన సన్నాహాల్ని అభినందించి తీరాలి. మొత్తం వ్యవస్థ పనిచేసిన తీరుని అభినందించాలి.
కానీ, ఆంధ్రపదేశ్ రాష్ట్రానికి పెద్ద నగరం అనేది లేకుండా.. కరోనా ఎందుకు ఈ స్థాయిలో ప్రబలింది.? మొదటి వేవ్ చూసుకున్నా.. రెండో వేవ్ చూసుకున్నా.. తెలంగాణ కంటే పరిస్థితి ఆంధ్రపదేశ్ రాష్ట్రంలో చాలా దారుణం. ఇందులో ఇంకో మాటకు తావు లేదు. అంటే, ఆంధ్రపదేశ్ ప్రభుత్వం కరోనా కట్టడిలో అత్యంత దారుణంగా విఫలమైనట్టే.
మూడో వేవ్ వచ్చేస్తోంది. వ్యాక్సిన్లు పెద్దయెత్తున అందిస్తున్న దరిమిలా, మూడో వేవ్ ప్రభావం ఏపీ మీద తక్కువ వుంటుందని ఆశించగలమా.? తెలంగాణ కంటే తక్కువ కేసులు ఏపీలో నమోదవుతాయా.? అదే జరిగితే అభినందించాల్సిందే. కానీ, కేవలం పబ్లిసిటీ వచ్చే కార్యక్రమాల మీద ఫోకస్ పెట్టి, అసలు బాధ్యత విస్మరిస్తే.. అది మంచి పాలన అనిపించుకోదు పాలకులకి.
466757 904108I see that you are utilizing WordPress on your blog, wordpress is the best. :~- 843997
282891 522467i could only wish that solar panels cost only several hundred dollars, i would love to fill my roof with solar panels- 593848