కొద్ది రోజుల క్రితం టీడీపీ నేత ఒకరు తనకు ఆంధ్రప్రదేశ్లో కరోనా టెస్ట్ జరిగితే పాజిటివ్ అని తేలిందనీ.. అదే తెలంగాణలో టెస్ట్ చేయించుకుంటే నెగెటివ్గా తేలిందనీ ఆరోపిస్తూ.. కొన్ని ఆధారాల్ని తెరపైకి తెచ్చారు. ఆయనే ఎమ్మెల్సీ దీపకర్రెడ్డి. ఈ వ్యవహారంపై పెను దుమారం చెలరేగింది. ఆంధ్రప్రదేశ్ ప్రభుత్వం స్పందించి, కరోనా టెస్టుల్లో పాజిటివ్ వస్తే.. పాజిటివ్ అనే అర్థమనీ.. వైరల్ లోడ్ తగ్గితే నెగెటివ్ వచ్చే అవకాశాలున్నాయని స్పస్టతనిచ్చింది. ఇదిలా వుంటే, మాజీ ముఖ్యమంత్రి, టీడీపీ అధినేత నారా చంద్రబాబునాయుడు, ఆంధ్రప్రదేశ్లో కరోనా టెస్టుల్లో విశ్వసనీయతపై అనుమానాలు వ్యక్తం చేశారు. ఇందులో నిజాలు నిగ్గు తేలాలని డిమాండ్ చేస్తున్నారు.
నిజానికి ఇది చాలా సీరియస్ ఆరోపణ. ముఖ్యమంత్రిగా 14 ఏళ్ళు పనిచేసిన చంద్రబాబు, ఇంత సిల్లీగా ఎలా ఆరోపణలు చేస్తారు.? అందుకు తగ్గ ఆధారాలు ఆయన దగ్గర ఏమన్నా వున్నాయా.? అన్న ప్రశ్న ప్రముఖ రాజకీయ విశ్లేషకుడు ప్రొఫెసర్ నాగేశ్వర్ నుంచి దూసుకొచ్చింది. ‘దీన్ని చాలా సీరియస్గా పరిగణించాలి. కేంద్రం జోక్యం చేసుకోవాలి. కరోనా పరీక్షల్లో అనుమానాలు రావడమంటే చిన్న విషయం కాదు. ఆ టెస్టుల కోసం వినియోగిస్తున్న కిట్స్పైనే అనుమానాలు వ్యక్తం చేసినట్లవుతుంది. మరి, కేంద్రం, ఐసీఎంఆర్ ఆమోదం లేకుండానే వీటిని రాష్ట్రాలు కొనుగోలు చేసే అవకాశం వుందా.? రాష్ట్ర ప్రభుత్వం కూడా చంద్రబాబు ఆరోపణలపై స్పందించాలి. తప్పుడు ఆరోపణలు చేస్తే చర్యలు తీసుకోవాలి..’ అని నాగేశ్వర్ అభిప్రాయపడ్డారు.
కరోనా పాజిటివ్ కేసులు దేశవ్యాప్తంగా పెరుగుతున్నాయి.. అదే స్థాయిలో ఆంధ్రప్రదేశ్లోనూ కేసులు పెరిగాయి.. ఆంధ్రప్రదేశ్లో టెస్టుల్లో అక్రమాల్ని ప్రశ్నిస్తున్న చంద్రబాబు, కేంద్రాన్ని ఎందుకు ప్రశ్నించడంలేదు.? తెలంగాణ రాష్ట్రాన్ని ఎందుకు ప్రశ్నించడంలేదని నాగేశ్వర్ నిలదీశారు. అవును మరి, టీడీపీ అధినేత నారా చంద్రబాబునాయుడు, తెలంగాణలో పరిస్థితులపైనా స్పందించాలి. హైద్రాబాద్ని ఉద్ధరించింది తానేనని చెప్పుకుంటారు కదా.! తాను జాతీయ నాయకుడినని చెప్పుకుంటారు గనుక, దేశంలో కరోనా పరిస్థితులపైనా కేంద్రాన్ని నిలదీయగలగాలి. ‘చంద్రబాబు, ఆంధ్రప్రదేశ్లో ప్రతిపక్ష నేత గనుక.. ఆంధ్రప్రదేశ్ గురించే మాట్లాడుతున్నారు..’ అని టీడీపీ నేతలు బుకాయిస్తే అది ఏమాత్రం సమర్థనీయం కాదు.
488018 259027This blog genuinely is very good. How was it created ? 977501
432831 812289I recognize there is certainly a great deal of spam on this weblog. Do you want assist cleansing them up? I may possibly help in between classes! 255132
921578 393410It was any exhilaration discovering your web site yesterday. I arrived here nowadays hunting new points. I was not necessarily frustrated. Your ideas right after new approaches on this thing have been helpful plus an superb assistance to personally. We appreciate you leaving out time to write out these items and then for revealing your thoughts. 156332