‘ఆంధ్రప్రదేశ్‌ అభివృద్ధిలో విశాఖపట్నం కీలక భూమిక కాబోతోంది.. విశాఖ ఎగ్జిక్యూటివ్‌ క్యాపిటల్‌గా మారుతోంది.. ఈ పరిస్థితుల్లో విశాఖ బ్రాండ్‌ ఇమేజ్‌ని దెబ్బ తీసేలా వ్యవహరించడం సబబు కాదు..’ అంటూ మంత్రి అవంతి శ్రీనివాస్‌ ఈ రోజు విపక్షాలకు ఉచిత సలహా ఇచ్చారు. నిజమే, ఏ ప్రాంతం ఇమేజ్‌ని అయినా దెబ్బ తీయకూడదు. కానీ, విశాఖ విషయంలో చాలా అనుమానాలు విన్పిస్తున్నాయి.. అందుక్కారణం విశాఖలో వరుసగా చోటు చేసుకుంటున్న ప్రమాదాలే. ఎల్జీ పాలిమర్స్‌ గ్యాస్‌ లీక్‌ దగ్గర్నుంచి, షిప్‌యార్డ్‌లో క్రేన్‌ కూలిపోవడం వరకు.. వరుస ఘటనలు పలు అనుమానాలకు తెరలేపకుండా వుంటాయా.?
గతంలో ఎన్నడూ లేని విధంగా విశాఖలో వరుస దుర్ఘటనలు చోటు చేసుకుంటున్నాయి. మరి, ప్రభుత్వం ఏం చేస్తోంది.? ఈ ప్రశ్నకే సమాధానం దొరకడంలేదు. ఇదిలా వుంటే, కరోనా వైరస్‌కి సంబంధించి విశాఖలో పరిస్థితి క్రమక్రమంగా అదుపు తప్పుతోంది. మొదట్లో విశాఖలో కరోనా వ్యాప్తి చాలా నెమ్మదిగా జరిగినా.. ఇప్పుడు మాత్రం విజృంభించేస్తోంది. ‘విశాఖకు సంబంధించి కరోనా లెక్కల్లో అనుమానాలున్నాయ్‌..’ అంటూ గత కొంతకాలంగా సోషల్ మీడియా వేదికగా విశాఖ వాసులే అనుమానాలు వ్యక్తం చేస్తూ వచ్చారు. ఆ అనుమానాలే నిజమవుతున్నట్లు కన్పిస్తున్నాయి.
తాజాగా ఈ రోజు విడుదలైన మీడియా బులిటెన్‌ చూస్తే, అందులో విశాఖ నెంబర్‌ వన్‌ ప్లేస్‌లో వుంది. ఒక్క విశాఖ మాత్రమే ఈ రోజు బులెటిన్‌లో వెయ్యి కేసుల పైబడిన లిస్టులో చోటు దక్కించుకోవడం గమనార్హం. ఆంధ్రప్రదేశ్‌కి సంబంధించినంతవరకు విశాఖ పెద్ద నగరం. మొదట్లో కేసులు అదుపులో వుండి, ఇప్పుడు అదుపు తప్పడమంటే అది పూర్తిగా ప్రభుత్వ వైఫల్యంగానే భావించాల్సి వుంటుందేమో.
గ్రేటర్‌ హైద్రాబాద్‌ పరిధిలో కూడా ఇన్ని కేసులు రావడంలేదాయె. అసలేం జరుగుతోంది విశాఖలో.? ఎగ్జిక్యూటివ్‌ క్యాపిటల్‌గా అధికారిక ప్రకటన వచ్చాక.. విశాఖ అనూహ్యంగా కరోనా క్యాపిటల్‌ అయ్యిందేంటి.? అని సగటు విశాఖ వాసి వాపోతున్నాడు. ‘టెస్టులు ఎక్కువ చేస్తున్నాం.. కేసులు ఎక్కువ బయటపడుతున్నాయ్‌..’ అన్న వాదనలో కొంత ‘పస’ వున్నప్పటికీ.. అదే పూర్తిగా సమర్థనీయం అనుకుంటే అది తప్పే అవుతుంది.
636470 929437Thank you for your quite excellent information and respond to you. 546285
994788 730801We clean up on completion. This may possibly sound obvious but not numerous a plumber in Sydney does. We wear uniforms and always treat your home or workplace with respect. 3119