రాష్ట్రం చేసిన అప్పుల్ని దాచగలమా.? ఛాన్సే లేదు. ఎందుకంటే, చేసిన అప్పులకు వడ్డీలు కడుతూనే వుండాలి. అసలు ప్లస్ వడ్డీ.. ఈ రెండిటినీ తీర్చాలంటే కొత్త అప్పులు చేయాలి, ప్రజల మీద పన్నుల భారం మోపాలి.! ఎవరు అధికారంలో వున్నా చేసేది అదే.
పేరు గొప్ప, ఊరు దిబ్బ.. అన్న చందాన, సంక్షేమ పథకాలు ఘనం.. ప్రజల బతుకులేమో అయోమయం.! సంక్షేమ పథకాలకు సంబంధించి లబ్దిదారులు పెరుగుతున్నారంటే, దానర్థమేంటి.? రాష్ట్రం నాశనమైపోతోంది, రాష్ట్ర ప్రజలు పేదరికంలో మగ్గుతున్నారనే కదా.?
అప్పుల లెక్కల విషయానికొద్దాం. ముఖ్యమంత్రి వైఎస్ జగన్, చంద్రబాబు హయాంలో జరిగిన అప్పుల గురించీ, తమ హయాంలో జరిగిన అప్పుల గురించీ సెలవిచ్చారు. విభజన నేపథ్యంలో రాష్ట్ర రుణాలు 1.26 లక్షల కోట్లు అట. చంద్రబాబు ప్రభుత్వం దిగిపోయేనాటికి 2.69 లక్షల కోట్లు అట. అంటే, 1.43 లక్షల కోట్ల రూపాయల అప్పులు చేసింది చంద్రబాబు ప్రభుత్వం.
ఇక, వైఎస్ జగన్ హయాంలో.. అంటే, గడచిన మూడేళ్ళలో జరిగిన అప్పుల శాతం కేవలం 41.83 మాత్రమేనట. కానీ, మొత్తం అప్పులేమో 3.82 లక్షల కోట్లకు చేరాయట. 3.82 లక్షల కోట్ల నుంచి 2.69 లక్షల కోట్లు తీసేస్తే ఎంత.? సుమారుగా 1.13 లక్షల కోట్లు.
చంద్రబాబు హయాంలో 1.43 లక్షల కోట్లు.. అంటే, ఐదేళ్ళ కాలానికి జరిగితే, వైఎస్ జగన్ హయాంలో.. మూడేళ్ళ కాలానికే 1.13 లక్షల కోట్ల అప్పులు చేయాల్సి వచ్చింది. నిజానికి, చంద్రబాబు హయాంలో ఆంధ్రప్రదేశ్ రాష్ట్ర ఆదాయ పరిస్థితి ఏమీ బాగాలేదు. విభజన కారణంగా వచ్చిన కష్టమది.
ప్రస్తుత ముఖ్యమంత్రి వైఎస్ జగన్ మాత్రం, రాష్ట్ర ఆదాయ పరిస్థితి మెరుగ్గా వుందని చెబుతున్నారు. మరి, అప్పులు చేయాల్సిన దుస్థితి ఎందుకు వస్తోందట.? ప్రతి నెలా కొత్త అప్పులు జరుగుతున్నాయి. వారానికీ, పది రోజులకీ అప్పుల కోసం వెతుక్కోవాల్సిన పరిస్థితి ఎందుకు తలెత్తుతోంది చెప్మా.?
చంద్రబాబు హయాంలో ప్రభుత్వ గ్యారంటీతో సుమారు నలభై ఐదు వేల కోట్ల రూపాయలు (అంతకు ముందు 14 వేల కోట్లతో కలుపుకుంటే మొత్తంగా 59 వేల కోట్లు) అప్పులు జరిగితే, మూడేళ్ళలో ప్రభుత్వ గ్యారంటీతో చేసిన అప్పులు 1.71 లక్షల కోట్లు అట.
మొత్తంగా ఐదు లక్షల కోట్ల రూపాయలకు చేరింది ఆంధ్రప్రదేశ్ అప్పు. అంటే, వైఎస్ జగన్ హయాంలో అప్పులు పెరిగినట్లా.? తగ్గినట్లా.?
483325 28413Aw, this was a truly nice post. In concept I wish to put in writing like this moreover – taking time and actual effort to make an excellent article nevertheless what can I say I procrastinate alot and not at all appear to get something done. 751240
785775 941811quite nice post, i undoubtedly adore this exceptional internet site, carry on it 180109