రెబల్ స్టార్ ప్రభాస్ సక్సెస్ ఫుల్ డైరెక్టర్ హను రాఘవపూడి కాంబినేషన్ లో ఒక సినిమా వస్తున్న విషయం తెలిసిందే. మైత్రి మూవీ మేకర్స్ భారీ బడ్జెట్ తో ఈ సినిమా నిర్మిస్తున్నారు. పిరియాడికల్ మూవీగా వస్తున్న ఈ సినిమా ఆజాద్ హింద్ ఫౌజీ నాటి కథతో వస్తున్నారని టాక్. ఈ సినిమాలో ప్రభాస్ సరసన ఇమాన్వి కథానాయికగా నటిస్తుంది.
సినిమాకు ఫౌజీ అనే టైటిల్ ప్రచారంలో ఉంది. ఐతే చిత్ర యూనిట్ టైటిల్ విషయంలో ఎలాంటి అఫీషియల్ అనౌన్స్ మెంట్ ఇవ్వలేదు. ఇదిలాఉంటే లేటెస్ట్ గా ఈ సినిమాలో బాలీవుడ్ వర్సటైల్ యాక్టర్ అనుపమ్ ఖేర్ కూడా నటిస్తున్నట్టు తెలుస్తుంది. స్వయంగా అనుపమ్ ఖేర్ తన సోషల్ మీడియాలో ఈ విషయాన్ని వెల్లడించారు.
తన 544 వ సినిమా ఇండియన్ సినిమా బాహుబలి ప్రభాస్ తో చేస్తున్నా. ఈ సినిమాను టాలెంటెడ్ డైరెక్టర్ హను రాఘవపూడి డైరెక్ట్ చేస్తున్నారు. మైత్రి మూవీ మేకర్స్ నిర్మిస్తున్నారు. సినిమాలో భాగం అవుతున్నందుకు సంతోషంగా ఉందని సోషల్ మీడియాలో రాసుకొచ్చారు అనుపమ్ ఖేర్. అంతేకాదు ప్రభాస్, హను రాఘవపూడితో దిగిన ఫోటోలను కూడా సోషల్ మీడియాలో షేర్ చేశారు. అనుపమ్ ఖేర్ ఈమధ్య తెలుగు సినిమాల్లో తరచు కనబడుతున్నారు. ముఖ్యంగా పాన్ ఇండియా రిలీజ్ అవుతున్న తెలుగు సినిమాల్లో ఆయన ప్రత్యేకమైన పాత్రలతో అలరిస్తున్నారు. ప్రభాస్ సినిమాలో అనుపమ్ ఖేర్ నటించడం నిజంగానే ఫౌజీకి ప్రత్యేక ఆకర్షణగా ఉంటుందని చెప్పొచ్చు.