స్టార్ హీరో కార్తి నటిస్తున్న క్రేజీ యాక్షన్–కామెడీ ఎంటర్టైనర్ “అన్నగారు వస్తారు” ఈ నెల 12న వరల్డ్ వైడ్ గ్రాండ్ థియేట్రికల్ రిలీజ్ కు సిద్ధమైంది. తమిళంలో “వా వాతియార్”గా రూపొందుతున్న ఈ చిత్రాన్ని తెలుగులో భారీ ఎత్తున విడుదల చేస్తూ మేకర్స్ అఫీషియల్ అనౌన్స్మెంట్ చేశారు. స్టూడియో గ్రీన్ నిర్మిస్తున్న ఈ ప్రాజెక్ట్ ప్రారంభం నుంచే భారీ బజ్ క్రియేట్ చేస్తోంది.
రిలీజ్ డేట్ ప్రకటించిన రోజే మూవీ నుంచి ‘అన్నగారు’ లిరికల్ సాంగ్ ను కూడా విడుదల చేశారు. సంగీత దర్శకుడు సంతోష్ నారాయణన్ అందించిన చాట్ బస్టర్ బీట్, రాకేందు మౌళి రాసిన క్యాచీ లిరిక్స్, ఎస్.పి. అభిషేక్ – హరిప్రియ పాడిన ఎనర్జిటిక్ వోకల్స్ కలిసి పాటను మరింత లైవ్గా మార్చాయి.
పాటలో “అన్నగారు, అన్నగారు… ఆల్రెడీ నే రిచ్ కిడ్డు, పాన్ ఇండియా మూవీ ప్లాన్ చేశా, రాజమౌళికి ఫోన్ చేసి నా మీద బయోపిక్ తీయమంటున్న…” వంటి సరదా లైన్స్ ఫ్యాన్స్ను ఎంతగానో ఆకట్టుకుంటున్నాయి. కలర్ఫుల్ మేకింగ్, ఫన్ ట్రీట్మెంట్ ఈ సాంగ్ ని సోషల్ మీడియాలో వైరల్ చేస్తున్నాయి.
ఇటీవల బ్లాక్బస్టర్ దర్శకుడు అనిల్ రావిపూడి రిలీజ్ చేసిన టీజర్కు భారీ స్పందన వస్తోంది. యాక్షన్, కామెడీ, మాస్ ఎలిమెంట్స్ కలిపిన కంటెంట్ చూసి ఫ్యాన్స్లో ఎక్స్పెక్టేషన్స్ పెరిగిపోయాయి. ప్రొమోషనల్ మెటీరియల్కు వస్తున్న రెస్పాన్స్ చూస్తుంటే కార్తి కెరీర్లో మరో బ్లాక్బస్టర్ దిశగా “అన్నగారు వస్తారు” సాగుతోంది అని చెప్పొచ్చు.
ఈ చిత్రంలో కృతి శెట్టి హీరోయిన్గా కనిపిస్తున్నారు. నలన్ కుమారస్వామి డైరెక్ట్ చేస్తున్న ఈ మూవీపై తెలుగు ప్రేక్షకుల్లో మంచి ఆసక్తి నెలకొంది. డిసెంబర్ 12న థియేటర్లలో ప్రేక్షకులను అలరించేందుకు “అన్నగారు వస్తారు” ఫుల్ రెడీగా ఉంది.