Anirudh Ravichander: ‘వై దిస్ కొలవెరి’ అంటూ తొలి పాటతోనే యావత్ సినీ ప్రపంచాన్ని తన వైపుకు తిప్పుకున్నాడు సెన్సేషనల్ మ్యూజిక్ డైరెక్టర్ అనిరుద్ రవిచందర్( Anirudh Ravichander). దీంతో తమిళ స్టార్ డైరెక్టర్ ఏ ఆర్ మురగదాస్ ( AR Muragadoss)- విజయ్( Vijay)కాంబినేషన్ లో వచ్చిన ‘కత్తి’ సినిమాలో అవకాశం దక్కించుకున్నాడు. ఇందులో ‘సెల్ఫీ పిల్ల’ పాట ఎంత హిట్ అయ్యిందో తెలిసిందే. ఆ తర్వాత స్టార్ హీరోల సినిమాలలో అనిరుద్ కు అవకాశాలు క్యూ కట్టాయి. సూపర్ స్టార్ రజినీకాంత్ మేనల్లుడిగా ఇండస్ట్రీలో అడుగుపెట్టిన సొంత టాలెంట్ తో తమిళ ఇండస్ట్రీలో తన మార్కు చూపిస్తున్నాడు. టాలీవుడ్ లోను అడుగుపెట్టి ఇక్కడ అజ్ఞాతవాసి, యూటర్న్, నానిస్ గ్యాంగ్ లీడర్ అంటే సినిమాలకు మ్యూజిక్ అందించాడు. ఇప్పుడు ఈ యంగ్ మ్యూజిక్ డైరెక్టర్ చేతిలో ఏకంగా 8 సినిమాలు ఉన్నాయి. అవేంటో చూద్దాం.
1) జవాన్
బాలీవుడ్ బాద్షా షారుఖ్ ఖాన్( Shah Rukh Khan)- అట్లీ( Atlee) కాంబినేషన్లో తెరకెక్కుతున్న జవాన్ చిత్రానికి సంగీతం అందిస్తున్నాడు. షారుక్ ద్విపాత్రాభినయం చేస్తున్న ఈ సినిమాలో నయనతార( Nayanatara) హీరోయిన్. విజయ్ సేతుపతి, ప్రియమణి, సాన్య మల్హోత్రా కీలక పాత్రలు పోషిస్తున్నారు.
2) జైలర్
నెల్సన్ దర్శకత్వంలో రజనీకాంత్( Rajnikanth) నటిస్తున్న చిత్రం జైలర్. తమన్నా ( Tamannaa), కన్నడ నటుడు శివ రాజ్ కుమార్, రమ్యకృష్ణ( Ramyakrishna)కీలక పాత్రలు పోషిస్తున్నారు. ఈ చిత్రానికి అనిరుద్ స్వరాలు అందిస్తున్నారు.
3) లియో
విజయ్ హీరోగా లోకేష్ కనగరాజ్ తెరకెక్కిస్తున్న చిత్రం ‘లియో’. త్రిష( Trisha) హీరోయిన్. అర్జున్ సర్జ, సంజయ్ దత్, ప్రియా ఆనంద్, గౌతమ్ వాసుదేవ్ మీనన్, మన్సూర్ అలీ ఖాన్ వంటి భారీ తారాగణం నటిస్తున్నారు. దీనికి కూడా అనిరుద్ మ్యూజిక్ డైరెక్టర్.
4) NTR 30
యంగ్ టైగర్ ఎన్టీఆర్( Jr NTR)- సెన్సేషనల్ డైరెక్టర్ కొరటాల శివ( Koratala Siva)కాంబినేషన్లో వస్తున్న ‘ఎన్టీఆర్ 30’ సినిమాకి అనిరుద్ స్వరాలు అందిస్తున్నాడు. బాలీవుడ్ నటి జాన్వి కపూర్( Jahnvi Kapoor)హీరోయిన్. బాలీవుడ్ నటుడు సైఫ్ అలీ ఖాన్ ప్రతినాయకుడిగా కనిపించనున్నారు.
5) ఇండియన్ 2
క్రియేటివ్ డైరెక్టర్ శంకర్ తెరకెక్కిస్తున్న ‘ఇండియన్ 2’ చిత్రానికి అనిరుద్ సంగీత దర్శకుడిగా పనిచేస్తున్నారు. కమల్ హాసన్ హీరో( KamalHassan). కాజల్ అగర్వాల్( Kajal Agarwal), రకుల్ ప్రీత్ సింగ్, ప్రియా భవాని శంకర్, సముద్రఖని తదితరులు కీలక పాత్ర పోషిస్తున్నారు.
6) ‘జెర్సీ’ వంటి సూపర్ హిట్ సినిమాని తెరకెక్కించిన గౌతమ్ తిన్ననూరి దర్శకుడిగా విజయ్ దేవరకొండ హీరోగా నటిస్తున్న చిత్రం తాజాగా పూజా కార్యక్రమాలు జరుపుకుంది. శ్రీ లీల ఇందులో హీరోయిన్. ఈ సినిమాకు అనిరుద్ మ్యూజిక్ డైరెక్టర్.
7) లైకా ప్రొడక్షన్స్ తమిళ హీరో అజిత్ కుమార్( Ajit Kumar) తో ఓ సినిమా చేస్తున్నట్టు ఇటీవలే ప్రకటించింది. ఈ సినిమాకు ‘విదా ముయ్యార్చి’ అనే టైటిల్ ని ఫిక్స్ చేసినట్లు తెలిపింది. అనిరుద్ ని సంగీత దర్శకుడిగా ఎంపిక చేసినట్లు తెలిపింది. మజిల్ తిరుమణి దర్శకత్వం వహిస్తారు.
8) తలైవార్ 170
సూపర్ స్టార్ రజినీకాంత్( Rajnikanth)- టీజే జ్ఞానవేల్ కాంబినేషన్లో రూపొందుతున్న ‘తలైవార్ 170’ చిత్రానికి అనిరుద్ స్వరాలు అందిస్తున్నారు. ఈ చిత్రం గురించి మరిన్ని వివరాలు తెలియాల్సి ఉంది.
ఇలా చేతినిండా సినిమాలతో అనిరుద్ మరో రెండేళ్ల పాటు బిజీ కానున్నాడు.