సీనియర్ హీరోయిన్ కి అనసూయ బ్యాండ్

అనసూయ.. ఈ మధ్య కాలంలో ఎక్కువగా వినిపిస్తున్న పేరు. కనిపిస్తున్న పేరు కూడా !! ఓ వైపు వరుసగా టివి షో లతో స్పీడ్ మీదున్న అనసూయ మరోవైపు భిన్నమైన పాత్రలతో అటు సినిమాల్లో తనదైన మార్క్ ని క్రియేట్ చేసుకుంటూ ఇమేజ్ పెంచేసుకుంటుంది. ఇప్పటికే అనసూయ అంటే మంచి నటిగానే కాదు సూపర్ గ్లామర్ గర్ల్ గా ఇమేజ్ తెచ్చుకుంది.

ఒకరకంగా టివి మీడియాలో యాంకరింగ్ లో గ్లామర్ ని ప్రవేశ పెట్టి సంచలనం రేపిన హాట్ యాంకర్ అని చెప్పొచ్చు. రంగస్థలం సినిమాలో రంగమ్మత్త గా తనదైనా నటనతో ఆకట్టుకున్న అనసూయకు మళ్ళి ఆ రేంజ్ లో ఉన్నటువంటి పాత్రను అఫర్ చేసాడు దర్శకుడు సుకుమార్.

అల్లు అర్జున్ హీరోగా సుకుమార్ దర్శకత్వంలో తెరకెక్కుతున్న సినిమాలో అనసూయ కీ రోల్. అదికూడా విలన్ గా నెగిటివ్ షేడ్ లో ఉంటుందట. లేటెస్ట్ గా రెండో షెడ్యూల్ కేరళలో మొదలైంది. త్వరలోనే అనసూయ కూడా పాల్గొంటుంది. ఈ సినిమాతో పాటు లేటెస్ట్ గా భీష్మ తో మంచి హిట్ అందుకున్న నితీన్ హిందీలో సూపర్ హిట్ అయిన అంధుదాన్ సినిమాను తెలుగులో రీమేక్ చేస్తున్నాడు.

నిన్నే పూజ కార్యక్రమాలతో మొదలైన ఈ సినిమాలో హిందీలో టబు పోషించిన పాత్రలో .. అనసూయ నటిస్తుందట. నిజానికి ఆ పాత్రలో టబు నే ఉంచాలని అనుకున్నారు, కానీ ఆమె ఎక్కవగా రెమ్యూనరేషన్ డిమాండ్ చేయడంతో ఆమె ప్లేస్ లో అనసూయను తీసుకున్నారట ?

మొత్తానికి సీనియర్ హీరోయిన్ టబు కు అనసూయ బ్యాండ్ వేసినట్టే అంటూ గుసగుసలు వినిపిస్తున్నాయి. మేర్లపాక గాంధీ దర్శకత్వంలో తెరకెక్కే ఈ సినిమా జూన్ నుండి రెగ్యులర్ షూటింగ్ మొదలు కానుంది.