పెళ్లిళ్లపై అమరావతి ప్రభావం..

2014లో చంద్రబాబు ప్రభుత్వం అధికారంలోకి వచ్చిన తరువాత కమిటీలు వేసి అమరావతిని రాజధానిగా ఏర్పాటు చేశారు. రాజధానిగా అమరావతిని గుర్తించిన తరువాత కొన్ని బిల్డింగ్ లను అక్కడ నిర్మించిన సంగతి తెలిసిందే. సచివాలయం, అసెంబ్లీ, హైకోర్టులను ఏర్పాటు చేసుకున్నారు. ఇంకా కొన్ని నిర్మాణాలు పూర్తి కావాల్సి ఉండగా, బాబు 2019 ఎన్నికల్లో ఓడిపోవడంతో ఆ నిర్మాణాలకు ఫుల్ స్టాప్ పడింది. జగన్ అధికారంలోకి వచ్చిన తరువాత అమరావతి గురించి పట్టించుకోలేదు.

పైగా అమరావతిలోనే రాజధాని ఉంటె ఖర్చుతో కూడుకొని ఉంటుంది కాబట్టి రాజధానిని అమరావతి నుంచి విశాఖ, కర్నూలుకు షిఫ్ట్ చేయాలని అనుకున్నారు. మూడు ప్రాంతాల్లో రాజధానులు ఉంటె, మూడు ప్రాంతాలు అభివృద్ధి చెందుతాయని జగన్ ఆలోచన. అయితే, రాజధాని కోసం భూములు ఇచ్చిన రైతులు రోడ్డుమీదకు వచ్చి పోరాటం చేయడం మొదలుపెట్టారు. రోజుకో రకంగా వినూత్నంగా నిరసనలు తెలియజేస్తున్నారు.

ఢిల్లీ వెళ్లి కేంద్రమంత్రులను, రాష్ట్రపతిని కలిసి కలిసి విజప్తి చేసినా లాభం లేకపోయింది. అసెంబ్లీ సమావేశల తరువాత ఎపుడైనా సచివాలయాన్ని అమరావతి నుంచి మార్చే అవకాశం ఉన్నట్టుగా ప్రభుత్వం చెప్తున్నది. రైతులు మాత్రం మొదట తమ సమస్యలు తీర్చిన తరువాత ఏదైనా చేసుకోండని అంటున్నారు. బంగారం పండే భూములను రాజధాని కోసం ఇస్తే తమను రోడ్డుపై నిలబడుతున్నారని విమర్శిస్తున్నారు. ఇప్పుడు అమరావతి నిరసనలు పెళ్ళిళ్ళను తాకాయి. అమరావతి ప్రాంతంలో జరిగే పెళ్లిళ్లలో వధూవరులు జై అమరావతి అని బోర్డులు పట్టుకొని వినూత్నంగా నిరసనలు తెలియజేస్తున్నారు. ఎన్ని నిరసనలు చేసినా ప్రభుత్వం నిర్ణయం మార్చుకుంటుందా అన్నది సందేహమే.