అల్లు అర్జున్ మంచి మనసు గురించి గతంలో పలుసార్లు ఆయన అభిమానులు సోషల్ మీడియాలో మాట్లాడుకున్న విషయం తెలిసిందే. తాజాగా మరో సారి అల్లు అర్జున్ తన మంచి మనసును చాటుకున్నాడు. గత పది సంవత్సరాలుగా తన వద్ద పర్సనల్ డ్రైవర్ గా పని చేస్తున్న మహిపాల్ అనే వ్యక్తికి బోరబండలో ఇల్లు నిర్మించుకోవడానికి గాను ఏకంగా 15 లక్షల రూపాయల ఆర్థిక సాయంను అల్లు అర్జున్ ఇచ్చాడట.
వరంగల్ కు చెందిన మహిపాల్ పదేళ్లుగా అల్లు అర్జున్ వద్ద డ్రైవర్ గా పని చేస్తూ నమ్మకస్తుడిగా పేరు దక్కించుకున్నాడు. అందుకే తనను నమ్ముకున్న మహిపాల్ కి సొంత ఇంటి కల నెరవేర్చుకునే విధంగా 15 లక్షల రూపాయలను అల్లు అర్జున్ ఇచ్చి తన మంచి మనసును చాటుకున్నాడు.
ఇందుకే అల్లు అర్జున్ ని నిజమైన హీరో అంటూ తాము పిలుచుకుంటామని ఫ్యాన్స్ సోషల్ మీడియాలో తెగ మాట్లాడేసుకుంటున్నారు. ఇక అల్లు అర్జున్ సినిమాల విషయానికొస్తే పుష్ప 2 షూటింగ్ ప్రారంభం కి అన్ని ఏర్పాట్లు పూర్తి అయ్యాయి.. సుకుమార్ భారీ బడ్జెట్ తో ఈ సినిమాను రూపొందించబోతున్నట్లుగా తెలుస్తుంది.