కోవిడ్ సెకండ్ వేవ్ తర్వాత థియేటర్లలో విడుదలవుతోన్న పెద్ద సినిమాగా అఖండ గురించి చెప్పుకోవచ్చు. బాలయ్య – బోయపాటి హ్యాట్రిక్ కాంబినేషన్ కావడంతో చిత్రంపై ఎన్నో అంచనాలు ఉన్నాయి. ఈరోజే ప్రేక్షకుల ముందుకు వచ్చిన ఈ చిత్రం మరి అంచనాలను అందుకుందో లేదో చూద్దాం.
కథ:
మురళీ కృష్ణ (బాలకృష్ణ) ఒక సామాజికవేత్త. తన చుట్టూ ఉన్న వారి కోసం ఎంత దూరమైనా వెళ్తాడు, ఎలాంటివారినైనా ఎదిరిస్తాడు. అనుకోకుండా జరిగిన ఒక దురదృష్టకర సంఘటన కారణంగా ఒక ల్యాండ్ మైనింగ్ ప్రాజెక్ట్ వల్ల చాలా మంది ప్రాణాలు పోతున్నాయని తెలిసి ఎదురుతిరుగుతాడు. సరిగ్గా అప్పుడే అనుకోకుండా ఒక మినిస్టర్ హత్యకేసులో నిందితుడిగా మురళీ కృష్ణను పేర్కొంటారు. రంగంలోకి ఎన్ఐఏ దిగుతుంది.
పరిస్థితులు పూర్తిగా చేజారుతున్న క్రమంలో రంగంలోకి అఖండ (బాలకృష్ణ) వస్తాడు. ప్రజల ప్రాణాలను, తనవారి ప్రాణాలను అఖండ కాపాడగలడా? మురళీ కృష్ణకు, అఖండకు ఉన్న సంబంధమేంటి?
నటీనటులు:
బాలకృష్ణ ఈ చిత్రంలో రెండు భిన్నమైన పాత్రల్లో కనిపిస్తాడు. అందులో మొదటిది సామాజికవేత్త పాత్ర. ఆ రోల్ లో ఎప్పట్లానే దూసుకుపోయాడు. తన స్వాగ్, మాస్ ప్రేక్షకులను ఉర్రూతలూగిస్తాయి. అయితే ప్రత్యేకంగా నిలిచేది మాత్రం అఘోరా గెటప్ ఉన్న పాత్రే. తనను తాను పూర్తిగా మార్చుకున్నాడు బాలయ్య. బాడీ లాంగ్వేజ్ కానీ డిక్షన్ కానీ మనల్ని ఆశ్చర్యపరుస్తాయి. మాస్ ఆడియన్స్ కు ఈ రోల్ ఫుల్ మీల్స్ ను అందిస్తుంది.
ప్రగ్యా జైస్వాల్ చూడటానికి బాగుంది. ఆమె ప్రత్యేకంగా చేయడానికంటూ ఏం లేదు. ప్రతీ బోయపాటి మూవీ హీరోయిన్ రోల్ నే ఆమె కూడా చేసింది. సెకండ్ హాఫ్ అంతా అయితే ఏడవడం, లేదా పరిగెత్తడంతోనే సరిపోయింది. విలాన్ గా శ్రీకాంత్ పాత్ర పర్వాలేదు. శ్రీకాంత్ బాగానే చేసినా ఆ పాత్ర పరిధి ఒక లెవెల్ కు మించి వెళ్ళలేదు. పూర్ణ, జగపతి బాబులవి చిన్న పాత్రలే అయినా ఇంపాక్ట్ క్రియేట్ చేస్తాయి.
సాంకేతిక వర్గం:
బాలకృష్ణతో పనిచేసేటప్పుడు బోయపాటి స్పెషల్ టాలెంట్ ను బయటకు తీస్తాడనిపిస్తుంది. సింహా, లెజండ్ సూపర్ హిట్ అయిన నేపథ్యంలో సాధారణంగానే అఖండపై అంచనాలు పెరుగుతాయి. ఒక రొటీన్ కథకు తనదైన శైలి మాస్ యాక్షన్ ఎపిసోడ్స్ తో లాగిద్దామనుకున్నాడు. అయితే ఓపెనింగ్ ఫైట్, ఇంటర్వెల్ బ్లాక్ తప్ప మిగతావన్నీ చొప్పించినట్లు అనిపిస్తాయి. కథలో భాగంగా రావు. మొత్తం 8-9 భారీ యాక్షన్ సన్నివేశాలతో ఒకానొక సమయంలో మొహం మొత్తేస్తుంది. అఘోర ట్రాక్ పై అంచనాలు భారీగా ఏర్పడ్డాయి కానీ సినిమాలో ఓ మాదిరిగానే అనిపిస్తుంది. సినిమా ఫ్లో కన్సిస్టెంట్ గా ఉండదు. ఒక హై ఎపిసోడ్ వస్తే వెంటనే డల్ బ్లాక్ తో గ్రాఫ్ కింద పడిపోతుంది. మళ్ళీ ఒక పవర్ఫుల్ సీన్ తో పైకి లేస్తుంది. ఇక క్లైమాక్స్ లో లాజిక్ గురించి పట్టించుకోకుండా సెన్స్ లెస్ గా గూస్ బంప్స్ తెప్పించుకోవడమే.
థమన్ బ్యాక్ గ్రౌండ్ మ్యూజిక్ సౌండ్ బాగా పెరిగింది అయితే మాస్ ప్రేక్షకులకు మాత్రం విందులా అనిపిస్తుంది. సినిమాటోగ్రఫీ టాప్ క్వాలిటీల ఉంది. ఎడిటింగ్ పరంగా చాలా ల్యాగ్ సీన్స్ ను తీసేయొచ్చు. నిర్మాణ విలువలకు ఢోకా లేదు.
ప్లస్ పాయింట్స్:
- బాలకృష్ణ పెర్ఫార్మన్స్
- రెండు యాక్షన్ బ్లాక్స్
- బ్యాక్ గ్రౌండ్ స్కోర్
నెగటివ్ పాయింట్స్:
- రొటీన్ స్టోరీ
- ల్యాగ్ సన్నివేశాలు
- క్లైమాక్స్
విశ్లేషణ: ప్రతీ 15 నిమిషాలకు తప్పనిసరిగా వచ్చే యాక్షన్ సన్నివేశాలు మినహా బోయపాటి ఈ చిత్రంలో సరైన ఎమోషన్ ను నింపడంలో ఆ యాక్షన్ బ్లాక్స్ కు మంచి లీడ్ ఇవ్వడంలో విఫలమయ్యాడు. మొత్తంగా బాలయ్య, థమన్ ల కోసం ఒకసారి చూడొచ్చు.
తెలుగుబులెటిన్.కామ్ రేటింగ్: 2.5/5
665464 775352Some truly amazing content on this web website , thankyou for contribution. 613632
225021 412804Hi there for your individual broad critique, then once more particularly passionate the recent Zune, and additionally intend this specific, not to mention the beneficial feedbacks other sorts of everybody has posted, will determine if is it doesnt answer youre looking for. 968930