అర్ధరాత్రి సమయంలో అఖండ 2 మేకర్స్ ఒక కీలక ప్రకటన విడుదల చేస్తూ అభిమానులను ఆశ్చర్యానికి గురి చేశారు. అనివార్య కారణాల వల్ల చిత్రం నిర్ణయించిన తేదీకి విడుదల చేయలేకపోతున్నట్లు వారు తెలిపారు. “బరువైన మనస్సుతో ఈ విషయాన్ని చెప్పాల్సి వస్తోంది” అని పేర్కొన్న టీమ్ ఈ నిర్ణయం అభిమానులకు, సినిమా ప్రేమికులకు కలిగించే నిరాశను పూర్తిగా అర్థం చేసుకుంటున్నామని తెలిపింది.
అఖండ 2 కోసం ఎంతో ఆతృతగా ఎదురుచూస్తున్న ప్రేక్షకులకు ఇది ఒక నిరాశ గా ఉన్నప్పటికీ, సమస్యను వీలైనంత త్వరగా పరిష్కరించడానికి కష్టపడి పనిచేస్తున్నామని మేకర్స్ చెప్పారు. ఆలస్యం వెనుక ఉన్న కారణాలను స్పష్టంగా పేర్కొనకపోయినా, ఈ అసౌకర్యానికి క్షమాపణలు చెబుతూ, తమకు అందుతున్న ప్రేమ, మద్దతుకు ధన్యవాదాలు తెలిపారు.
విడుదల వాయిదా అభిమానుల్లో నిరాశను కలిగించినా, త్వరలోనే ఒక పాజిటివ్ అప్డేట్ ఇవ్వనున్నామని టీమ్ హామీ ఇచ్చింది. సోషల్ మీడియాలో ఇప్పటికే అభిమానులు నిరాశతో పాటు మద్దతు కూడా వ్యక్తం చేస్తున్నారు. త్వరలో సమస్యలు పరిష్కారమై, భారీ హైప్తో ఉన్న ఈ చిత్రం థియేటర్లలో సందడి చేయాలని అందరూ ఆశిస్తున్నారు.
