ఆహా రిలీజ్: ‘అర్ధ శతాబ్దం’ మూవీ రివ్యూ

ఆహాలో అర్ధ శతాబ్దం మూవీ చూడడం కోసం ఇక్కడ క్లిక్ చేయండి

‘C/O కంచరపాలెం’ సినిమాతో నటుడిగా పరిచయమైన కార్తీక్ రత్నం హీరోగా, కృష్ణ ప్రియ హీరోయిన్ గా పరిచయం అవుతూ, దర్శకుడిగా రవీంద్ర పుల్లే చేసిన తొలి ప్రయత్నం ‘అర్ధ శతాబ్దం’. నవీన్ చంద్ర, సాయి కుమార్, అజయ్ ముఖ్య పాత్రల్లో నటించిన ఈ సినిమా కోవిడ్ కారణంగా థియేటర్స్ స్కిప్ చేసి నేడు ఆహా ఓటిటి ప్లాట్ ఫామ్ లో డైరెక్ట్ గా రిలీజయ్యింది. మరి ఈ అర్ధ శతాబ్దం ఎంతవరకూ మెప్పించిందో చూద్దాం..

కథ:

సిరిసిల్ల.. కుల గొడవలతో ఒకరినొకరు చంపుకునే గ్రామం.. ఆ ఊర్లో పుట్టిన కృష్ణ(కార్తీక్ రత్నం) చిన్నప్పటి నుంచే తనతో పాటు చుదువుకునే పుష్ప(కృష్ణ ప్రియ)ని ప్రేమిస్తాడు. కానీ తన ప్రేమని చెప్పడానికి భయపడుతుంటాడు. ఆ ఊరి కుల వివాదాలతో పాటే కృష్ణ ప్రేమ కూడా పెద్దదవుతుంది. కానీ ఎప్పటికప్పుడు కృష్ణ పుష్పకి తన ప్రేమని చెప్పడానికి భయపడుతుంటాడు. అదే టైంలో 15 రోజుల్లో తనకి దుబాయ్ వెళ్లే ఆఫర్ వస్తుంది. దాంతో తను వెళ్లే లోపు తన ప్రేమని చెప్పాలనుకుంటాడు. ఆ క్రమంలో కృష్ణ అండ్ ఫ్రెండ్స్ ఓ తప్పు చేస్తారు. ఆ తప్పు వలన వారికే తెలియకుండా ఊరిలో కుల గొడవలు చెలరేగి ఒకరిని ఒకరు చంపేసుకుంటుంటారు. ఇంతకీ కృష్ణ అండ్ ఫ్రెండ్స్ చేసిన తప్పేంటి? ఆ గొడవల్లో ఎవరెవరు బలయ్యారు? కృష్ణ తన ప్రేమని పుష్పకి చెప్పాడా? చెప్తే పుష్ప సమాధానం ఏంటి? చివరికి కృష్ణ – పుష్ప కలిసారా? లేక ఆ గొడవల్లో బలైపోయారా? అన్నదే కథ..

తెరమీద స్టార్స్..

తెరపై కనిపించిన నటులందరూ వారి వారి పాత్రలకి న్యాయం చేశారు. కానీ పాత్రలని సరిగా తీర్చిదిద్దలేదనేది క్లియర్ గా తెలుస్తుంది. హీరోగా చేసిన కార్తీక్ రత్నం మరోసారి తన నటనతో మెప్పించాడు. తొలిపరిచయమైన కృష్ణప్రియ కూడా బాగా చేసింది. ముఖ్య పాత్రల్లో కనిపించిన నవీన్ చంద్ర, సాయి కుమార్, అజయ్, శుభలేఖ సుధాకర్ లు బాగా చేసినా, కథలో వారి పాత్రలు పరిపూర్ణంగా లేవనిపిస్తుంది.

తెర వెనుక టాలెంట్..

టెక్నికల్ గా సినిమాలో కనిపించే అన్ని డిపార్ట్మెంట్స్ ది బెస్ట్ ఇచ్చాయి అందులో ప్రధమంగా వేణు, వెంకట్ ఆర్ శాఖమూరి, అస్కర్ ల సినిమాటోగ్రఫీ సూపర్బ్.. 90ల నాటి కథకి సరిపోయే విజువల్స్ ని క్రియేట్ చేయడంలో సక్సెస్ అయ్యారు. ఆ విజువల్స్ కి నఫల్ రాజా ఐస్ అందించిన మ్యూజిక్ కూడా పర్ఫెక్ట్ గా సెట్ అయ్యింది. లవ్ సాంగ్స్ తో పాటు నేపధ్య సంగీతం కూడా బాగుంది. సుమిత్ పటేల్ ప్రొడక్షన్ డిజైన్ కూడా చెప్పుకోదగినదే. జె ప్రతాప్ కుమార్ ఎడిటింగ్ మాత్రం సరిగా లేదనిపిస్తుంది. దానికి కారణం ప్రారంభం బాగున్నా మొదటి గంట సేపు ప్రేమ కథతో అక్కడే తిప్పి తిప్పి కథని సాగదీస్తే, సెకండాఫ్ లో రన్ టైం తగ్గించాలనే ప్రయత్నంలో భాగంగా లింకులు లేకుండా కట్ చేసి అతుకుల బొంతలా తయారు చేశారు. దాంతో సినిమాలో అనుకున్న ఏ ఎమోషన్ సరిగా వర్కౌట్ కాలేదు.

ఆహాలో అర్ధ శతాబ్దం మూవీ చూడడం కోసం ఇక్కడ క్లిక్ చేయండి

ఇక కెప్టెన్ అయిన రవీంద్ర పుల్లే మొదటి సినిమాకి ఎంచుకున్నది కాస్త కామన్ పాయింట్ అయినా, డీలింగ్ కి కాస్త కష్టమైన ప్రేమ కథ, అభ్యుదయం, కుల రాజకీయం.. ఇలా మూడింటిని కలిపి చెప్పేలా కథని అనుకున్నాడు. ఆ పాయింట్ కి అనుగుణంగా బ్యాక్ డ్రాప్ కూడా స్వాతంత్య్రం వచ్చి 50 ఏళ్ళు గడిచిన కాలాన్ని, అప్పటి ప్రజాస్వామ్య సమస్యలని ఎంచుకున్నాడు. అంతవరకూ బాగుంది కానీ అనుకున్న పాయింట్ ని కథగా రూపొందించడంలో ఫెయిల్ అయ్యాడు. అటు ప్రేమ పరంగా కానీ, కులం పరంగా కానీ సరైన పాత్రలని, ఆ పాత్రల తాలూకు ఎమోషన్స్ ని ప్రేక్షకులకి కనెక్ట్ చేయలేకపోవడంలో భారీగా విఫలమయ్యారు. దానికి తోడు కథనం కూడా చాలా స్లోగా సాగడం, ప్రేక్షకులకి నెక్స్ట్ చూడాలి అనిపించే మోమెంట్స్ లేకపోవడంతో సినిమాని మధ్యలోనే కట్టేస్తారు. ఇక దర్శకుడిగా కొన్ని టెక్నికల్ డిపార్ట్మెంట్స్ ని డీల్ చేయగలిగిన సగటు ప్రేక్షకుణ్ణి మెప్పించలేకపోయాడు. డైలాగ్స్ బాగున్నా ఆకట్టుకోలేని కథలో వృథా అయిపోయాయి. కిరణ్ రామోజు – రాధాకృష్ణ నిర్మాణ విలువలు బాగున్నాయి.

విజిల్ మోమెంట్స్:

– సినిమాటోగ్రఫీ అండ్ మ్యూజిక్
– స్టోరీ లైన్ అండ్ బ్యాక్ డ్రాప్
– మీనింగ్ ఫుల్ డైలాగ్స్

బోరింగ్ మోమెంట్స్:

– పాత కథ
– ఆకట్టుకోలేని కథనం
– నెమ్మదిగా సాగే నేరేషన్
– ఎమోషనల్ గా కనెక్ట్ కానీ పాత్రలు
– డైరెక్షన్
– ఎడిటింగ్

విశ్లేషణ:

మొదటి ప్రయత్నంలోనే పలు కష్టతరమైన విషయాలను మేళవించి చెప్పాలి అనుకున్న డైరెక్టర్ రవీంద్ర పుల్లే పలు అంశాలను, పలు డైలాగ్స్ ని బాగా రాసుకున్నప్పటికీ అన్నిటినీ కలిపి ఎమోషనల్ గా ప్రేక్షకులకి కనెక్ట్ చేయలేకపోయారు. నేటివిటీ అండ్ నిజ జీవిత కథలు ఇష్టపడే వారికి పరవాలేధనిపించినా, మిగతా వారికి అంతగా నచ్చకపోవచ్చు.

చూడాలా? వద్దా?: రియలిస్టిక్ నేటివిటీ కథాంశాలు ఇష్టపడే సినీ అభిమానులు చూడచ్చు.

ఆహాలో అర్ధ శతాబ్దం మూవీ చూడడం కోసం ఇక్కడ క్లిక్ చేయండి