నటీనటులు: నవదీప్, పూజిత పొన్నాడ, వెంకట్, అమిత్, షఫీ, మధు నందన్, భానుశ్రీ, కిరీటి తదితరులు.
నిర్మాతలు: రాజీవ్ రెడ్డి, క్రిష్ జాగర్లమూడి
దర్శకత్వం: లక్ష్మీకాంత్ చెన్నా
రన్ టైం: 86 నిముషాలు
విడుదల తేదీ: మే 29, 2020
ఓటీటీ ప్లాట్ ఫాం: ఆహా
ఇటీవలి కాలంలో చిన్న నిర్మాతలు, దర్శకులకు ఓటీటీ వేదికలు ప్రత్యామ్నాయాలుగా మారాయి. కొందరైతే థియేటర్లు లేకపోవటంతో ఓటీటీ విడుదలకు వెళ్తుంటే మరికొందరు వెబ్ ప్లాట్ ఫాం కోసమే సినిమాలు తీస్తున్నారు. అదే కోవలో లక్ష్మీకాంత్ చెన్నా దర్శకత్వంలో నవదీప్ నటించిన ‘రన్’ సినిమా ఆహా ఒరిజినల్ పేరుతో శుక్రవారం ఓటీటీ వేదిక ‘ఆహా’ ద్వారా విడుదలైంది. ఒక హత్య..ఆరుగురు అనుమానితులు అంటూ ట్రైలర్ తో హైప్ క్రియేట్ చేసిన ఈ థ్రిల్లర్ చిత్రం వీక్షకులను ఏ మేరకు ఆకట్టుకుందో చూద్దాం.
కథ:
శృతి(పూజిత పొన్నాడ) తొలి సన్నివేశంలోనే సందీప్ (నవదీప్)తో ప్రేమలో ఉండడంతో ఇద్దరూ పెళ్ళి చేసుకోవాలని నిర్ణయించుకుంటారు. వారి అన్యోన్యమైన ప్రేమ, రొమాన్స్ తర్వాత శృతి చనిపోతుంది. ఆత్మహత్యా.? హత్యా.? అంటూ పోలీసులు ఇన్వెస్టిగేషన్ మొదలుపెడతారు. పోలీసులు సందీప్ ను అనుమానించటంతో సందీప్ వారి నుండి పరిగెడుతూ హంతకుడి కోసం వెతుకుతూ ఉంటాడు. అసలు హంతకుడు ఎవరు.? శృతిది అసలు హత్యా.? ఆత్మహత్యా.? అనేది తెలుసుకోవాలంటే ‘రన్’ చూడాల్సిందే.
తెర మీద స్టార్స్:
నవదీప్ నుండి ఇలాంటి నటన, సినిమా చూస్తామని ఎవ్వరూ ఊహించరు. వెంకట్, అమిత్, షఫీ, మధు నందన్, భానుశ్రీ, కిరీటి ఇలా ఎందరున్నా పాపం వీక్షకుడిని, మా వల్ల కాదు ఈ మూవీ చూడడం అంటూ మూవీ నుంచి ఎగ్జిట్ అవ్వడాన్ని ఆపలేకపోయారు.
తెరవెనుక టాలెంట్:
మేకింగ్ పరంగా ఇటీవలి కాలంలో ఎటువంటి అనుభవం లేని వారు కూడా షార్ట్ ఫిలింలే ఇంకా బాగా తీస్తున్నారు. కథ, కథనాల గురించి ఎంత తక్కువ మాట్లాడుకుంటే అంత మేలు. సంగీతం అయితే సినిమా మూడ్ కి అసలు సింక్ అవ్వకుండా ఏదో డీజే వాయించినట్లుగా, సీరియల్స్ కి ట్రాక్స్ వేసినట్లుగా అనిపిస్తుంది. సినిమాకు హైలైట్ ఏదైనా ఉంది అంటే అది సినిమా యొక్క నిడివి మాత్రమే. అర్ధవంతమైన దర్శకుడు క్రిష్ జాగర్లమూడి నిర్మాణ సంస్థ నుండి ఇలాంటి సినిమాను ఊహించటం కష్టమే.
విశ్లేషణ:
హీరో హీరోయిన్లు కలవటం, ప్రేమించుకోవటం, పెళ్ళి చేసుకోవటం, అంతలోనే హీరో లేదా హీరోయిన్ చనిపోవటం ఆ తర్వాత హంతకుడు ఎవరు అనుకుంటూ బయలుదేరటం లాంటి కథలు ఎన్ని వచ్చినా ఎంచుకున్న పాయింట్ ను పకడ్బందీ కథనంతో వీక్షకుడిని కూర్చోపెట్టటంలోనే దర్శకుడి ప్రతిభ దాగి ఉంటుంది. తొలి పది నిముషాల్లో హీరో హీరోయిన్ల లవ్వూ, లస్కూ, మసాలా పాట చూపించిన దర్శకుడు తర్వాత ఏదైనా ఇంటరెస్టింగ్ గా చూపిస్తాడేమో అని ఆశించిన సాధారణ సినిమా వీక్షకుడికి నిరాశే ఎదురవుతుంది. 86 నిమిషాల నిడివి కలిగిన ఈ సినిమాలో మొదటి 70 నిముషాలను వీక్షకుడి సహనాన్ని వాడుకోవటంలో దర్శకుడు సక్సెస్ అయ్యాడనే చెప్పాలి. టీవీ సీరియల్ కు ఏ మాత్రం తీసిపోకుండా కథను, కథాగమనాన్ని నడిపిన దర్శకుడు చివరిలో ఏదైనా మ్యాజిక్ చేస్తాడేమో అనుకుంటే ‘’వాహ్! వాట్ ఏ క్లాసిక్ థ్రిల్లర్’’ అంటూ ఫ్రస్టేషన్లో వీక్షకుడితో అనిపించేసుకున్నాడు.
పంచ్ లైన్: “రన్ విత్ యువర్ ఓన్ రిస్క్”
తెలుగు బులిటెన్ రేటింగ్: 1/5
సూర్య ప్రకాష్ వేద
927987 370873I gotta bookmark this internet site it seems really beneficial . 246159
572315 560213This was an incredible post. Really loved studying your site post. Your data was very informative and useful. I feel youll proceed posting and updating often. Seeking forward to your subsequent one. 747337