Vijay: గంటగంటకీ తమిళనాడు రాజకీయాలు కొత్త టర్న్ తీసుకుంటున్నాయి. కూతవేటు దూరంలో సీఎం కాకుండా ఆగిపోయారు టీవీకే పార్టీ అధినేత విజయ్. అయితే.. రాజకీయ పరిణామాలు ఎటు టర్న్ తీసుకుంటాయో.. సీఎం కుర్చీ ఎవరిని వరిస్తుందో అంతా టెన్షన్ నెలకొంది. ఈ సమయంలో తమిళ నటుడు శ్యామ్ చేసిన కామెంట్స్ వార్తల్లో నిలుస్తున్నాయి. విజయ్ ఖచ్చితంగా సీఎం అవుతారని ఓ ఇంటర్వ్యూలో పేర్కొన్నారు. ఎన్నికల్లో విజయ్ ఘన విజయం సాధిస్తారని తనకు ముందే తెలుసని కూడా ఆయన అన్నారు. ఓ ఇంటర్వ్యూలో మాట్లాడుతూ..
‘విజయ్ విజయాన్ని నేను రెండేళ్ల క్రితమే ఊహించా. విజయ్ వెనక ఏదో దైవశక్తి ఉందని నా నమ్మకం. ఆయన విజయాన్ని నేను 2024లోనే ఊహించాను. ఓరోజు ఆయనకు ఫోన్ చేసి ‘అన్నా.. ప్రజా తీర్పులో మీరు విజయం సాధించినట్టు.. మీరు తమిళనాడు ముఖ్యమంత్రి అయినట్టు, ప్రజలు మిమ్మల్ని గౌరవిస్తున్నట్లు నాకు కల వచ్చిందని చెప్పాను. ఇదే విషయాన్ని మే 3న కూడా మెసేజ్ చేస్తూ.. మీపై నా కల నిజం కాబోతోందని చెప్పా. ఇవన్నీ రాత్రికి రాత్రే వచ్చిన కలలు కావు. తమిళనాడు రాజకీయ సింహాసనంపై కూర్చుంటారని నాకు తెలుస్తోంది’.
ఆయన తప్పితే అంతటి కెరీర్ ను వదులుకుని ఎవరూ రాజకీయాల్లోకి రారు. ఆయన ఎంతో నిబద్ధత గల వ్యక్తి. నిజాయతీకి మారు పేరు. తాను ఈ స్థాయికి చేరుకోవడానికి అభిమానులేనని ఎప్పుడూ అంటారు. వారు చూపించిన ప్రేమను తిరిగి ఇవ్వడానికే ఏదైనా చేయాలనుకుంటున్నానని ఎన్నోసార్లు అన్నారు. అటువంటి వ్యక్తి సీఎం అయితే ప్రజలకు మేలు జరుగుతుంద’ని శ్యామ్ అన్నారు. తెలుగులో శ్యామ్ కిక్ తో పరిచయమయ్యారు. రేసుగుర్రం సినిమాలో కూడా కీలకపాత్రలో నటించి మెప్పించారు.