ప్రముఖ నటుడు సుబ్బరాజు ఓ ఇంటి వాడు అయ్యాడు. తాజాగా ఆయన పెళ్లి పీటలు ఎక్కాడు. నలభై ఏళ్ల వయసులో ఆయన పెళ్లి చేసుకోవడం అందరినీ ఆశ్చర్యానికి గురి చేస్తోంది. అయితే పెళ్లిపై ఎలాంటి సమాచారం ఇవ్వకుండా.. సైలెంట్ గా పెళ్లి కూతురుతో దిగిన ఫొటోలను సోషల్ మీడియాలో పోస్టు చేశాడు. పెళ్లి కూతురుతో బీచ్ లో పెళ్లి బట్టల్లోనే ఫొటోలు దిగాడు. ఈ ఫొటోలు చూసిన సినీ ప్రముఖులు, అభిమానులు కంగ్రాట్స్ చెబుతున్నారు. అయితే పెళ్లి కూతురుకు సంబంధించిన వివరాలు మాత్రం వెల్లడించలేదు.
కాగా ఈ పెళ్లి ఫొటోలపై కొందరు అనుమానాలు కూడా వ్యక్తం చేస్తున్నారు. కొంపదీసి సినిమా షూటింగ్ కావచ్చేమో.. ఫ్రాంక్ చేస్తున్నాడేమో అంటున్నారు. ఏదేమైనా ఇన్నేళ్లకు ఆయన ఓ ఇంటివాడు అవుతున్నాడని ఇంకొందరు అభినందనలు తెలుపుతున్నారు. ఇక నటుడిగా సుబ్బరాజు ఎంత ఫేమస్ అనేది అందరికీ తెలిసిందే. తెలుగులోనే కాకుండా తమిళం, మలయాళం, హిందీ సినిమాల్లో కూడా ఆయన నటిస్తున్నాడు. విలన్ గా, కమెడియన్ గా, హీరోగా కూడా సినిమాలు చేశాడు. ప్రస్తుతం ఐదారు సినిమాలతో బిజీగా ఉన్నట్టు తెలుస్తోంది.