550 నాటౌట్: అమరావతి ఉద్యమం ఏం సాధించింది.?

మూడు రాజధానులు వద్దు.. ఒకే రాజధాని అమరావతి ముద్దు.. అంటూ 550 రోజులుగా అమరావతి ఉద్యమాన్ని రైతులు నడుపుతున్నారు. కూకట్ పల్లి ఆంటీలన్నారు.. పెయిడ్ ఆర్టిస్టులన్నారు.. కమ్మ సామాజిక వర్గానికి చెందినవారే ఉద్యమిస్తున్నారంటూ ఆరోపణలు చేశారు. ఓ సామాజిక వర్గం.. ఓ కూకట్ పల్లి ఆంటీ సమూహం.. ఓ  పెయిడ్ ఆర్టిస్టుల గ్యాంగ్.. ఇన్ని రోజులపాటు ఉద్యమించడం సాధ్యమేనా.? అదీ, ‘అమరావతి రైతులు ఎలా పోతే మాకేంటి.?’ అని రాష్ట్రమంతా లైట్ తీసుకుంటే, కేవలం అమరావతి కోసం భూములిచ్చిన రైతులు మాత్రమే.. అదీ పదుల సంఖ్యలో, వందల సంఖ్యలో వున్నవారు మాత్రమే..ఇన్ని రోజుల అణచివేతను తట్టుకుని ఇంతటి ఉద్యమాన్ని ఎలా నడిపారు.? నడుపుతున్నారు.?

అమరావతి మహిళల మీద లాఠీలు విరిగాయ్.. రక్తమోడారు అమరావతి ఆడపడుచులు.. అయినా మొక్కవోని ధైర్యంతో ఉద్యమంలో ముందుకు కదిలారు. నిజానికి, అమరావతి ఉద్యమంలో మహిళల పాత్రే అత్యంత కీలకం. రాజకీయ పార్టీలు తెరవెనుకాల వుండి కొన్ని సందర్భాల్లో ఉద్యమాన్ని తప్పుదోవ పట్టించే ప్రయత్నం చేసినా, అమరావతి రైతులు మాత్రం.. పద్ధతిగా ఉద్యమం కొనసాగిస్తూనే వస్తున్నారు. ‘మేం అధికారంలోకి వస్తే.. అమరావతిని మరింతగా అభివృద్ధి చేస్తాం..’ అని కల్లబొల్లి మాటలు చెప్పి అధికారంలోకి వచ్చిన వైసీపీ, అధికారంలోకి వచ్చాక.. అమరావతిని పూర్తిగా పక్కన పడేసింది. అమరావతి కూడా మూడు రాజధానుల్లో ఒకటి.. అంటోంది వైఎస్ జగన్ ప్రభుత్వం. అలాగైతే, అమరావతిలో కొత్తగా ఒక్క నిర్మాణమైనా గడచిన రెండేళ్ళలో ఎందుకు మొదలవలేదు, పూర్తి కాలేదు.?

ప్రజా వేదిక కూల్చివేత తప్ప, అమరావతిలో కొత్తగా ప్రభుత్వం చేసిందేంటి.? మహిళ కన్నీరు సమాజానికి మంచిది కాదు. అలాంటిది, పదుల సంఖ్యలో.. వందల సంఖ్యలో మహిళలు, లాఠీ దెబ్బలు తిన్నారు.. రక్తం చిందించారు.. అయినా, పాలకులకు కనీసపాటి కనికరం వున్నట్లు కనిపించడంలేదు. ఇన్ని రోజులు ఉద్యమం సజీవంగా వుండడమే అమరావతి ఉద్యమం సాధించిన అతి గొప్ప విజయం. పాలకుల మనసు బండరాయి కాబట్టి.. ఉద్యమం లక్ష్యం చేరడం ఆలస్యమవుతుందేమోగానీ..