హైదరాబాద్ కూకట్పల్లి నియోజకవర్గంలో జనసేన పార్టీకి మద్దతు క్రమంగా పెరుగుతోంది. ఈ నేపథ్యంలో అల్లాపూర్ గాయత్రి నగర్ డివిజన్కు చెందిన మహిళలు పెద్ద సంఖ్యలో జనసేన పార్టీలో చేరారు. కెపిహెచ్బి కాలనీలోని జనసేన పార్టీ కార్యాలయంలో జరిగిన కార్యక్రమంలో మొత్తం 31 మంది మహిళలు ఉద్యమి క్రియాశీలక సభ్యత్వంలో నమోదు చేసుకుని అధికారికంగా జనసేనలో చేరారు.
ఈ కార్యక్రమం జనసేన నాయకుడు పవన్ నాయుడు ఆధ్వర్యంలో జరిగింది. సైబరాబాద్ కార్పొరేషన్ కో-ఆర్డినేటర్ ముమ్మారెడ్డి ప్రేమ కుమార్ సమక్షంలో మహిళలు పార్టీలో చేరగా, వారికి పార్టీ కండువా కప్పి ప్రేమ కుమార్ జనసేనలోకి సాదరంగా ఆహ్వానించారు.
ఈ సందర్భంగా ప్రేమ కుమార్ మాట్లాడుతూ, పవన్ కళ్యాణ్ ఆశయాలు, పార్టీ సిద్ధాంతాలు మరియు సమాజ సేవ పట్ల ఆయన చూపుతున్న అంకితభావం ప్రజలను విస్తృతంగా ఆకర్షిస్తున్నాయని తెలిపారు. ముఖ్యంగా మహిళలు సమాజ నిర్మాణంలో కీలక పాత్ర పోషిస్తారని, వారి భాగస్వామ్యం పెరిగితే పార్టీ మరింత బలపడుతుందని అన్నారు.
జనసేన పార్టీ సామాన్య ప్రజల హక్కుల కోసం పోరాడే రాజకీయ శక్తిగా ఎదుగుతోందని ప్రేమ కుమార్ పేర్కొన్నారు. పారదర్శక పాలన, యువత మరియు మహిళలకు సమాన అవకాశాలు కల్పించడమే పార్టీ లక్ష్యమని వివరించారు. పార్టీలో చేరిన మహిళలు ప్రజల్లోకి వెళ్లి పార్టీ సిద్ధాంతాలను విస్తృతంగా చాటాలని, సమాజ సేవ కార్యక్రమాల్లో చురుకుగా పాల్గొనాలని ఆయన పిలుపునిచ్చారు.
ఈ కార్యక్రమంలో జనసేన పార్టీ కూకట్పల్లి జోన్ కో-ఆర్డినేటర్లు మండలి దయాకర్, కొల్లా శంకర్, మండలి అనిల్ పాల్గొన్నారు. అడ్ హాక్ కమిటీ సభ్యులు అనిత గాలి, వేముల మహేష్, పోలేబోయిన శ్రీనివాస్, రణదీప్, యోగేష్, జాల రవి, తుంగల రామారావు తదితరులు కూడా హాజరై కార్యక్రమాన్ని విజయవంతం చేశారు. స్థానికంగా మహిళలు పెద్ద సంఖ్యలో జనసేన పార్టీలో చేరడం పార్టీకి మరింత బలాన్ని ఇస్తుందని నాయకులు తెలిపారు.