Switch to English

హోమ్ సినిమా సుడిగాలి సుధీర్ '3 మంకీస్' మూవీ రివ్యూ

సుడిగాలి సుధీర్ ‘3 మంకీస్’ మూవీ రివ్యూ

నటీనటులు: సుడిగాలి సుధీర్, గెటప్ శీను, రామ్ ప్రసాద్, కారుణ్య చౌదరి..
నిర్మాత: జి నాగేష్
దర్శకత్వం: జి. అనీల్ కుమార్
సినిమాటోగ్రఫీ: మోనిష్ భూపతి రాజు
మ్యూజిక్: సన్నీ దోమల
ఎడిటర్‌: డి. ఉదయ్ కుమార్
రన్ టైం: 2 గంటల 11 నిముషాలు
విడుదల తేదీ: ఫిబ్రవరి 07, 2020

టెలివిజన్ షో ‘జబర్దస్త్’ షో ద్వారా బాగా పాపులర్ అయిన బెస్ట్ ఫ్రెండ్స్ సుడిగాలి సుధీర్ – గెటప్ శ్రీను – రామ్ ప్రసాద్ లు ప్రధాన పాత్రల్లో నటించిన సినిమా ‘3 మంకీస్’. ఎమోషనల్ అడల్ట్ కంటెంట్ సినిమాగా రూపొందిన ఈ సినిమాకి జి. అనీల్ కుమార్ డైరెక్టర్. సినిమాకంటే ఎక్కువగా ప్రమోషన్స్ కి బడ్జెట్ పెట్టి ప్రమోట్ చేసిన ఈ ‘3 మంకీస్’ సినిమా ఎలా ఉందనేది ఇప్పుడు చూద్దాం..

కథ:

సంతోష్(సుడిగాలి సుధీర్), ఫణి(గెటప్ శ్రీను), ఆనంద్(రామ్ ప్రసాద్)లు చిన్నప్పటి నుంచి ఫ్రెండ్స్. వీరి ముగ్గురు రకరకాల జాబ్స్ చేసుకుంటూ అక్కడి అమ్మాయిలకు లైన్ వేస్తుంటారు. మొదటగా సంతోష్ కి తన బాస్ వైఫ్ పడిపోతుంది, ఇంటికి ఇన్వైట్ చేస్తుంది. అక్కడే తెలుస్తుంది సంతోష్ కి మ్యాటర్ లేదని(ఎరెక్టైల్ డిస్ ఫంక్షన్), ఆ తర్వాత డాక్టర్ కూడా కన్ఫర్మ్ చేస్తాడు. అది నిజమా కాదా అని తెలుసుకోవడం కోసం ముగ్గురు కలిసి ఒక వేశ్య అయినా కారుణ్య చౌదరిని బుక్ చేసుకుంటారు. కట్ చేస్తే వేళ్ళు ఏమీ చేయకముందే కారుణ్యచనిపోతుంది. ఇక అక్కడి నుంచి ఆ చేయడం కోసం ఆ ముగ్గురు పడ్డ ఇబ్బందులేమిటి? మధ్యలో పోలీసులకి దొరికారా? దొరికితే ఆ పోలీసోడి నుంచి ఎలా తప్పించుకునే ప్రయత్నం చేశారు? అసలు కారుణ్య ఎందుకు చనిపోయింది? అనే ప్రశ్నలకి సమాధానమే ఈ సినిమా..

తెర మీద స్టార్స్..

ఈ సినిమాతో సుడిగాలి సుధీర్ కామెడీతోనే కాకుండా ఎమోషనల్ కంటెంట్ కూడా బాగా చేయగల నటుడని ప్రూవ్ చేసుకున్నాడు. ముగ్గురి మీద సుధీర్ కి ఎక్కువ మర్క్స్ పడతాయి. గెటప్ శ్రీను కూడా బాగా చేసాడు. రామ్ ప్రసాద్ తనదైన పంచ్ లతో మెప్పించాడు. నటన పరంగా ఈ ముగ్గురు గుడ్ అనిపించుకున్నారు. కారుణ్య చిన్న రోల్ చేసింది, ఉన్నంతలో ఓకే. ఇక ఆన్ స్క్రీన్ పరంగా అక్కడక్కడా అడల్ట్ కంటెంట్ మరియు కామెడీ సీన్స్ ముందు బెంచ్ వారిని కూసింత ఉత్తేజపరుస్తాయి.

తెర వెనుక టాలెంట్..

తెరవెనుక పనిచేసే డిపార్ట్మెంట్స్ లో ఒక్కటంటే ఒక్కదాని గురించి కూడా చెప్పుకునేలా లేకపోవడం బాధాకరం… ఒక్కో డిపార్ట్మెంట్ గురించి చెప్పటప్పుడు కొన్ని పదాలు అటు ఇటు దొర్లచ్చు, వారు హర్ట్ అవ్వచ్చు.. సో అందుకే అన్ని డిపార్ట్ మెంట్స్ కలిసి ది వరస్ట్ అవుట్ ఫుట్ ఇచ్చాయని చెప్పి ముగిస్తున్నాను.

విజిల్ మోమెంట్స్:

– ఏమన్నా ఉంటేగా చెప్పడానికి..!

బోరింగ్ మోమెంట్స్:

– లీడ్ యాక్టర్స్ ని వదిలేస్తే మిగతా అన్నీ నెగటివ్స్

విశ్లేషణ:

‘3 మంకీస్’ అని టైటిల్ పెట్టారు, అదీ కాక బుల్లితెరపై తెగ నవ్వించే సుడిగాలి సుధీర్ – గెటప్ శ్రీను – రామ్ ప్రసాద్ లు హీరోలుగా చేశారు అంటే సినిమా హాయిగా నవ్వుకునేలా ఉంటుందనుకొని థియేటర్ కి వెళ్ళిన ప్రతి ఒక్కరూ తలలు పట్టుకొని ఇదేం సినిమారా బాబు అనుకుంటూ బయటకి వస్తారు. పిచ్చోడి చేతికి స్టీరింగ్ ఇస్తే ఎలా పడితే అలా తిప్పినట్టు, డైరెక్టర్ అనిల్ కుమార్ కథని ఉన్న మూడ్ ని బట్టి, గుర్తొచ్చిన సినిమాలని బట్టి రాసుకుంటూ పోయి చూసే ఆడియన్స్ కి పిచ్చెక్కేలా చేసాడు. ఓవరాల్ గా పూర్తిగా డిజప్పాయింట్ చేసే సినిమా ‘3 మంకీస్’.

ఇంటర్వల్ మోమెంట్: సెకండాఫ్ చూడకుండా పారిపోతే బాగుండు.!

ఎండ్ మోమెంట్: ఛీ దీనెమ్మా, ఈ వారం కూడా మరో 150 లాస్..!

చూడాలా? వద్దా?: సేవ్ మనీ అండ్ సేవ్ టైం.!

బాక్స్ ఆఫీస్ రేంజ్:

ఏదో జబర్దస్త్ లో బాగా పరిచయం ఉన్న ముఖాలు, ప్రమోషన్స్ బాగా చెయ్యడంతో మార్నింగ్ షో కి జనాలు కనపడ్డారు.. పొరపాటున మాట్నీకి ఉన్నా ఈవెనింగ్ షోస్ కి మాత్రం ఖాళీ అయిపోతాయి. పెట్టింది రావడం చాలా కష్టం.

గమనిక: మా బాక్స్ ఆఫీస్ రేంజ్ అనేది సినిమా రేటింగ్ మీదే పూర్తిగా డిపెండ్ అవ్వకుండా హీరో స్టార్డం, భారీ రిలీజ్ మరియు రిలీజ్ అయిన సీజన్ ని కూడా కలుపుకొని చెబుతాం.

తెలుగుబుల్లెటిన్.కామ్ రేటింగ్: 1/5

వెండి తెర

రాజకీయం

ఎక్కువ చదివినవి