ప్రతి పదేళ్లకు సినిమా ట్రెండ్ మారుతుందనేది సినీవర్గాల మాట. ప్రేక్షకుల అభిరుచి, సినిమా మేకింగ్, టెక్నాలజీ, బిజినెస్, కలెక్షన్లు.. ఇలా ఏ అంశంలోనైనా వచ్చే మార్పు సినిమాలపై పడుతుంది. తెలుగు సినిమా చరిత్రలో అటువంటి సంఘటనలు ఉన్నాయి. అలా టాలీవుడ్ కి కమర్షియల్ గా కొత్త టార్గెట్ సెట్ చేసి.. అప్పటికి 78 ఏళ్ల తెలుగు సినిమా చరిత్రలో కనీవినీ ఎరుగని సరికొత్త అధ్యాయాన్ని లిఖించిన సినిమా ‘మగధీర’. తెలుగు సినిమాను శాసించిన మెగాస్టార్ చిరంజీవి తనయుడిగా సినిమాల్లోకి వచ్చిన రామ్ చరణ్ తేజ్ రెండో సినిమాతోనే తెలుగు సినిమాపై చెరగని సంతకం చేశాడు. మగధీర సాధించిన విజయం భారతీయ సినీ పరిశ్రమని ఉలిక్కిపడేలా చేసింది. నేటితో (జూలై 31) ఈ సినిమా విడుదలై 13 ఏళ్లు పూర్తి చేసుకుంది.
రాజమౌళి ఊహలకు రెక్కలు..
కమర్షియల్ కథలతో వరుస హిట్లతో ఉన్న రాజమౌళి మగధీరతో తనలోని విజువల్ థాట్స్ ను ఆవిష్కరించే అవకాశం దక్కింది. అందుకు అవసరమైన 40కోట్లకు పైగా బడ్జెట్ చాలా పెద్ద మొత్తం. నిర్మాత అల్లు అరవింద్ మెగా క్రేజ్, రాజమౌళి ఆలోచన, కథపై ఉన్న నమ్మకంతో అంత బడ్జెట్ కు సై అన్నారు. బీవీఎస్ఎన్ ప్రసాద్ సహ నిర్మాతగా సినిమా తెరకెక్కించారు. వీరందరికీ రామ్ చరణ్ ఒక ఆయుధంలా దొరికారు. 400 ఏళ్ల నాటి కథ. గుర్రపుస్వారీ, కత్తి యుద్ధాలు, వీరోచిత పోరాటాలు వీటన్నింటినీ రామ్ చరణ్ అవలీలగా చేసేశారు. ఇంటర్వెల్ ముందు,. తర్వాత వచ్చే గుర్రపుస్వారీల్లో చరణ్ చేసిన విన్యాసాలకు ధియేటర్లలు పూనకాలతో ఊగిపోయాయి. 100 మెన్ ఫైట్ సినిమాకే హైలైట్. ప్రేక్షకులే 100 మందిని లెక్కపెట్టినట్టు ఉండేలా రాజమౌళి చిత్రీకరణ, రామ్ చరణ్ వీరోచిత ప్రదర్శన ప్రేక్షకులను కట్టిపడేశాయి.
కలెక్షన్ల ప్రభంజనం..
పూర్తి విజువల్ వండర్ గా 2009 జూలై 31న విడుదలైన మగధీరకు ఆంధ్రప్రదేశ్ అంతా బెనిఫిట్ షో నుంచే బ్లాక్ బస్టర్ టాక్ వచ్చేసింది. షో తర్వత షోకి, రోజు రోజుకీ టాక్ మరింత పెరిగి ఏకంగా దక్షిణ భారతీయ సినీ పరిశ్రమను ఉలిక్కిపడేలా చేసింది. ఎక్కడ చూసినా మగధీర,, మగధీర.. మగధీర. ప్రతిచోటా కలెక్షన్ల ప్రభంజనం. మెగా ఫ్యాన్స్ పూనకాలతో ఊగిపోయారు. ఏపీలో అప్పటికి ఉన్న ఇండస్ట్రీ హిట్ లెక్కల్ని చాలా తక్కువ రోజుల్లోనే అధిగమించి రోజురోజుకీ కొత్త లెక్కలతో ఒక బెంచ్ మార్క్ సెట్ చేసింది. రిలీజైన 5 వారాల తర్వాత హైదరాబాద్ లో 35 ధియేటర్లు పెంచారంటే ఈ సినిమా సాధించిన విజయాన్ని అర్ధం చేసుకోవచ్చు.
మెగా ఫ్యాన్స్ కు మెగా గిఫ్ట్..
ఏకంగా 90కోట్ల షేర్.. సౌత్ ఇండియాలోనే తొలి 100 కోట్ల గ్రాస్ సినిమాగా చరిత్ర సృష్టించింది. అప్పటికి యూఎస్ మార్కెట్ కూడా విస్తరించలేదు.. పాన్ ఇండియా స్థాయిలో రిలీజ్ చేయకపోయినా.. తెలుగులోనే ఇంతటి భారీ విజయం సాధించింది మగధీర. హీరోయిన్ కాజల్ రాజకుమారిలా ఒదిగిపోయి కెరీర్ బ్రేక్ సాధించింది. కీరవాణి సంగీతం, బ్యాక్ గ్రౌండ్ సినిమాను మరోస్థాయిలో నిలబెట్టాయి. తెలుగు సినిమా బడ్జెట్, కలెక్షన్లు మగధీరకు ముందు ఆ తర్వాతగా మారిపోయాయి. చిరంజీవి పొలిటికల్ ఎంట్రీ, పవన్ కల్యాణ్ ఫ్లాపుల సమయంలో ‘మగధీర’ రూపంలో రామ్ చరణ్ ఇచ్చిన గిఫ్ట్ కు మెగా ఫ్యాన్స్ ఊగిపోయారు. సినిమా విడుదలై 13 ఏళ్లు పూర్తైన సందర్భంగా రాష్ట్ర చిరంజీవి యువత జనరల్ సెక్రటరీ ఏడిద బాబీ, రామ్ చరణ్ యువశక్తి ప్రతినిధి శివ చెర్రీ ల ఆధ్వర్యంలో నేడు రాజమండ్రిలోని అశోకా ధీయేటర్లో 8.30 నిముషాలకు ప్రత్యేక షో వేస్తున్నారు. రాష్ట్రవ్యాప్తంగా చిరంజీవి, రామ్ చరణ్ అభిమాన సంఘాల నాయకులు ఈ ప్రదర్శనకు హాజరవుతున్నారు.
811322 481309hello great internet site i will definaely come back and see once again. 746976
980182 328153really good put up, i definitely love this web website, keep on it 201980
533768 441262Empathetic for your monstrous inspect, in addition Im just seriously very good as an alternative to Zune, and consequently optimism them, together with the really very good critical reviews some other players have documented, will let you determine whether it does not take right choice for you. 1938